എം.എ.സി.എഫ്. മുൻ പ്രസിഡന്റ്റും ഫൊക്കാന ആർ.വി.പിയുമായിരുന്ന എബ്രഹാം പി. ചാക്കോ  അന്തരിച്ചു

ടാമ്പാ, ഫ്ലോറിഡ: മലയാളി അസോസിയേഷൻ ഓഫ് സെൻട്രൽ ഫ്ലോറിഡ (എംഎസിഎഫ്) മുൻ പ്രസിഡണ്ടും  (2004)  ഫൊക്കാന ആർ.വി.പി.യും (2008 - 2010) ആയിരുന്ന എബ്രഹാം പി. ചാക്കോ  അന്തരിച്ചു. ബ്രാൻഡൻ കുഞ്ഞുമോൻ എന്നറിയപ്പെടുന്ന അദ്ദേഹം,  ടാമ്പാ മലയാളി സമൂഹത്തിലെ പ്രിയപ്പെട്ട അംഗമായിരുന്നു, ഏറെ ആദരിക്കപ്പെട്ട വ്യക്തിത്വം. എണ്ണമറ്റ വ്യക്തികളുടെ ജീവിതത്തെ സമ്പന്നമാക്കിയ അദ്ദേഹം  തന്റെ സമയവും ഊർജ്ജവും  സംഘടനകളുടെ വളർച്ചക്കും   പുരോഗതിക്കും വേണ്ടി   വിനിയോഗിക്കുകയും ചെയ്തു.

ടാമ്പയിലെ സെന്റ് മാർക്ക്സ് മാർത്തോമ്മാ പള്ളിയുടെ സ്ഥാപക അംഗങ്ങളിൽ ഒരാളെന്ന നിലയിൽ, നിരവധി വർഷങ്ങളായി അതിന്റെ   വിവിധ പദവികളിൽ  പ്രതിബദ്ധതയോടെ സേവനമനുഷ്ഠിച്ചു. സഭാ മതിലുകൾക്കപ്പുറത്തും പ്രവർത്തിക്കാൻ മടിച്ചില്ല.    നിരവധി വർഷങ്ങളായി എക്യുമെനിക്കൽ പ്രസ്ഥാനത്തിലും സജീവമായിരുന്നു.    

MACF ന്റെ  തുടക്കം മുതൽ അതിൽ സജീവമായിരുന്നു.  ഡയറക്ടർ ബോർഡിലും വിവിധ ഉപസമിതികളിലും ദീർഘകാലം പ്രവർത്തിച്ചു.   യഥാർത്ഥ ടീം പ്ലെയർ  ആയിരുന്നു അദ്ദേഹം.    ടാമ്പയിലേക്ക് പുതുതായി വന്നവർക്ക് അദ്ദേഹം പലപ്പോഴും വലിയ  സഹായങ്ങൾ ചെയ്തു. ജോലി കണ്ടെത്താനും, പാർപ്പിടം ഉറപ്പാക്കാനും, പുതിയ ജീവിതം സ്ഥാപിക്കുന്നതിലെ വെല്ലുവിളികളെ മറികടക്കാനും അവരെ സഹായിച്ചു.  

ആരോഗ്യപരമായ വെല്ലുവിളികൾ നേരിട്ട് വീൽചെയറിൽ  ഒതുങ്ങി നിന്നപ്പോഴും, സമൂഹത്തെ സേവിക്കാനുള്ള അദ്ദേഹത്തിന്റെ മനസ്സും ഉത്സാഹവും  വേറിട്ട് നിന്നു. നിസ്വാർത്ഥമായ സമർപ്പണത്തിന്റെ ഓർമ്മ  അദ്ദേഹത്തെ അറിയുന്നവർക്ക് പ്രചോദനം നൽകുന്നത് തുടരും.

ദുഃഖിതരായ കുടുംബത്തിന് മലയാളി അസോസിയേഷൻ ഓഫ് സെൻട്രൽ ഫ്ലോറിഡ (എം‌എസി‌എഫ്) അഗാധവും ഹൃദയംഗമവുമായ അനുശോചനം അറിയിച്ചു . സർവ്വശക്തൻ അദ്ദേഹത്തിന്റെ ആത്മാവിന് നിത്യശാന്തി നൽകട്ടെ, അദ്ദേഹത്തിന്റെ എല്ലാ പ്രിയപ്പെട്ടവർക്കും ശക്തിയും ആശ്വാസവും നൽകട്ടെ. അദ്ദേഹത്തിന്റെ ഓർമ്മ ആശ്വാസത്തിന്റെയും പ്രചോദനത്തിന്റെയും ഉറവിടമാകട്ടെ.