കനല്‍ ഒരു തരി മതി കാട്ടുതീ ആയി പടരാന്‍...അങ്ങനെ 'വൈല്‍ഡ് ഫയര്‍' ആയി മാറിയ പുഷ്പരാജിന്റെ തേര്‍വാഴ്ചയുടെ കഥ ' പുഷ്പ 2 ദ് റൂള്‍  ' ന്റെ വേള്‍ഡ് ടെലിവിഷന്‍ പ്രീമിയര്‍  ഏഷ്യാനെറ്റില്‍ വിഷു സ്‌പെഷ്യലായി പ്രേക്ഷകര്‍ക്ക് മുന്നില്‍ എത്തുന്നു.

പുഷ്പരാജായി അല്ലു അര്‍ജുന്‍ വീണ്ടും സ്‌ക്രീനില്‍ തന്റെ സ്വാഗ് പ്രകടിപ്പിക്കുന്ന പുഷ്പ 2, ആക്ഷന്‍ രംഗങ്ങള്‍, കുടുംബബന്ധങ്ങള്‍, ഐഡന്റിറ്റി തേടല്‍ എന്നിവയുടെ മിശ്രണമാണ്. ഫഹദ് ഫാസില്‍ വില്ലനായും രശ്മിക മന്ദാന നായികയായും എത്തുന്നു.

പുഷ്പ രാജ് - ഷെഖാവത്ത് എന്നിവര്‍  തമ്മിലുള്ള വൈരത്തിന്റെ മൂര്‍ത്തമായ സീനുകളും, ഒപ്പം പുഷ്പ എന്ന ഫാമിലിമാനും അതില്‍ ഭാര്യയായ ശ്രീവല്ലിയുടെ ഒരു ആഗ്രഹവും അതിന്റെ പൂര്‍ത്തികാരണവും, അവസാനം തന്റെ ഐഡന്റിറ്റി കണ്ടെത്തുന്ന പുഷ്പയും ഇങ്ങനെ മൂന്നായി തിരിക്കാം ശരിക്കും സിനിമയെ.
ഇന്ത്യന്‍ സിനിമ ലോകത്ത് അടുത്തകാലത്ത് ഏറ്റവും വലിയ ഹൈപ്പില്‍ വന്ന ചലച്ചിത്രമാണ് പുഷ്പ 2 ദ റൂള്‍. പുഷ്പ ദ റൈസ് എന്ന 2021 ലെ പാന്‍ ഇന്ത്യന്‍ ഹിറ്റായിരുന്നു.  രണ്ടാം ഭാഗമായ പുഷ്പ 2 ദ റൂള്‍  പാന്‍ ഇന്ത്യന്‍ ലെവലില്‍  വിജയം ഇരട്ടിയാക്കി. അതോടൊപ്പം പുഷ്പയുടെ ഗാഥ ഇവിടെ അവസാനിപ്പിക്കുന്നില്ല എന്ന സൂചനയും ചിത്രം അവസാനം നല്‍കുന്നുണ്ട്.

പുഷ്പ 2 ദ റൂള്‍ ഏഷ്യാനെറ്റില്‍ ഏപ്രില്‍ 13 ഞാറാഴ്ച വൈകുന്നേരം 6.30 മുതല്‍ ഏഷ്യാനെറ്റില്‍ സംപ്രേക്ഷണം ചെയ്യുന്നു.