വരവായി വസന്തമെന്നോതി 
വിരിയുന്നു പൂക്കളെങ്ങുമെ 
പൊരിഞ്ഞു പൊള്ളുന്ന ചൂടിലും 
വിരിയുന്നരിയ പൂക്കളത്ഭുതം!

വർണ്ണങ്ങൾ പലതെങ്ങെനെ വന്നുവെന്ന് 
നിർണ്ണയമില്ലോർത്തു നോക്കിൽ;
ആരോ ഒരാൾ എവിടെയോ ഇരുന്ന് 
ചേർക്കുന്നുവോ പലനിറങ്ങളിങ്ങനെ!

ആപത്തിൽ തെളിയും ഗുണങ്ങൾപോലെ 
താപത്തിൽ വിരിയുന്നു പലപൂക്കളും 
ചിന്തിക്കുകിലീ നിഗൂഢതയ്ക്കന്ത്യമില്ല
ഹന്ത! വിരമിക്കുന്നു, നേരുന്നു ശുഭദിനം.