ഒരു യുഗം നമ്മൾ കാത്തിരുന്നതാണ് ടെലിവിഷൻ കാണുവാൻ. ഒരു കാലത്ത് കുടുംബസമേതം ടിവിയുടെ മുൻവശത്ത് ഇരുന്നതിന്റെ ആത്മാർത്ഥതയും ആനന്ദവുമെന്തെല്ലാമായിരുന്നതെന്ന് ഓർക്കുമ്പോൾ തന്നെ ഒരു നൊസ്റ്റാൾജിയ ഉണ്ട് .കാലത്തിന്റെ ഒഴുക്കിൽ ഓരോ മാധ്യമങ്ങളും മാറിമറിഞ്ഞു വരുന്ന ഈ സാങ്കേതിക ലോകത്ത്, ഇപ്പോൾ നമ്മൾ സാക്ഷിയാകുന്നത് ടെലിവിഷൻ വിപ്ലവത്തിന്റെ അവസാനഘട്ടത്തിനാണ്.  ഇന്നലെ ബിബിസി യുടെ വാർത്ത ഞെട്ടലോടെയാണ് കേട്ടത് .ന്യൂസ് ചാനലുകളുടെ തലതൊട്ടപ്പൻ . മാധ്യമ ചരിത്രത്തിൽ ഒരിക്കലും മറക്കാനാവാത്ത സ്ഥാനമുണ്ട് ബിബിസിക്കു. ലോകമെമ്പാടുമുള്ള നൂറുകണക്കിന് ദർശകരെ വാർത്തകളിലേക്കും സത്യത്തിലേക്കും നയിച്ച ബിബിസി, ഇനി തങ്ങളുടെ എല്ലാ ചാനലുകളും 2030കളോടെ സംപ്രേഷണം നിർത്തുമെന്നും, ഓൺലൈൻ പ്ലാറ്റ്ഫോമിലേക്ക് മാത്രമായി മാറുമെന്നും ബിബിസി മേധാവി ടിം ഡേവി പ്രഖ്യാപിച്ചത്, അതിന് കാരണം ബിബിസി പോലുള്ള ചാനൽ പോലും കാണുവാൻ ആളില്ല എന്നുള്ളതാണ്.

പണ്ട് ഉണ്ടായിരുന്ന നാലിൽ ഒന്ന് പോലും അവരെ കാണുന്നില്ല എന്നാണ്.നമ്മുടെ മലയാളം ചാനലുകൾ ഒക്കെ വൻ നഷ്ടത്തിലാണ് ഓടിക്കൊണ്ടിരിക്കുന്നത്. നമ്മുടെ പല വീടുകളിലും നാം ഇപ്പോൾ ടിവി കാണാറില്ല. എന്റെ വീട്ടിൽ ഒരു ടിവി ഉണ്ടെന്നല്ലാതെ 2 വർഷത്തിൽ കൂടുതലായി ഞാൻ ടിവിയിൽ തൊട്ടിട്ട്. മക്കളും കാണാറില്ല.

റേഡിയോ, ടിവി – ഒരു കാലം

രാവിലെ പുലർക്കും മുമ്പേ വീട്ടിൽ പ്ലാസ്റ്റിക്  ആന്റിനകളോടുകൂടിയ റേഡിയോ ശബ്ദിച്ചിരുന്ന കാലമുണ്ട്. പിന്നീട് ടിവി അതിന്റെ നിറവുമായെത്തി. ഞാൻ വീടിന്റെ മുകളിൽ കയറി ആന്റിന ഒക്കെ തിരിക്കുന്നത് ഇപ്പോഴും ഓർക്കാറുണ്ട്. എന്നാൽ ഇന്നത്തെ തലമുറക്ക് ആന്റിന എന്താണെന്നു പോലും അറിയില്ല.ഒട്ടും കൃത്രിമമല്ലാതെ സമൂഹത്തിന്റെ ഭാവങ്ങളായിരുന്ന ഇവ ഇന്ന് സ്മാർട്ട്‌ഫോണുകൾക്കുവേണ്ടി തളർന്നുപോയിരിക്കുന്നു. ഇപ്പോൾ വാർത്ത ഉൾപ്പടെ നമ്മൾ കാണുന്നത് മൊബൈൽ ഫോണിലാണ്

ഡിജിറ്റലിന്റെ അതിവേഗ സഞ്ചാരം

OTT പ്ലാറ്റ്ഫോമുകൾ, യൂട്യൂബ്, ഷോർട് വീഡിയോകൾ, പോഡ്കാസ്റ്റുകൾ — ഇന്നത്തെ തലമുറയുടെ ശ്രദ്ധ പിടിച്ചുപറ്റുന്നത് ഇവയിലൂടെയാണ്. തണൽച്ചായയിൽ ഇരുന്നു പകുതി മണിക്കൂർ കാത്തിരുന്ന് ടെലിവിഷൻ സീരിയൽ കാണുന്ന കാലം കാഴ്‌ചപ്പാടായി മാറിയിരിക്കുന്നു. ടിവിയുടെ അവസാനമെന്ന് നമുക്ക് തോന്നുമ്പോഴും, അതിന്റെ സംഭാവനകൾ ഓർക്കാതെ മുന്നോട്ടുപോകാനാവില്ല. സമൂഹത്തെ ഒരു പോലെ ചിരിപ്പിച്ചും കരയിപ്പിച്ചും മുന്നോട്ട് നയിച്ച ടിവി, മാധ്യമ ചരിത്രത്തിൽ ഒരിക്കലും പൂർത്തിയായി തീരാത്ത അധ്യായമാണ്. ടിവിയുടെ യുഗം അവസാനിക്കുന്നുവെങ്കിലും, കഥ പറയലിന്റെ/new-age storytelling mediums never end — they just evolve. ഞങ്ങളുടെ വീട്ടിലെ ആദ്യ ടിവി വീഡിയോകോൺ ബസൂക്ക ആയിരുന്നു. നിങ്ങളുടെ ആദ്യ ടിവി ഏതായിരുന്നു?

നിങ്ങളുടെ സഹോദരൻ
ജെറി പൂവക്കാല

English summary:

Is the Era of Television Ending? Jerry Poovakala’s Memoirs