ഈ മനോഹരതീരത്ത് തരുമോ ഇനിയൊരു ജന്മം കൂടി എന്ന് ഒരു കവി. അമേരിക്കൻ മലയാളികളുടെ പ്രിയങ്കരനായ കവി ശ്രീ ജയൻ വർഗീസ് കാല ശില്പിയോട് അപേക്ഷിക്കുന്നു ഇവിടുന്നു പോരാതിരിക്കുവാൻ കൽപ്പനയരുളുക. ഭൂമി സുന്ദരിയാണ്. അവളെ പ്രേമിച്ച് കഴിയണം മർത്യർ. ദൈവത്തിന്റെ പ്രതിനിധികൾ എന്നവകാശപ്പെടുന്നവർ മേലെ ഒരു സ്വർഗ്ഗം ഉണ്ടെന്ന പ്രലോഭനം നൽകി മനുഷ്യരെ ആശയകുഴപ്പത്തിലാക്കുന്നു. അറിയാത്തത് സ്വർഗ്ഗമാണെങ്കിൽ കൂടി എന്തിനു വെമ്പൽ കൊള്ളുന്നു അറിയുന്ന ഈ വസുന്ധരയിൽ സസുഖം വാഴുക. കരളിലെ മോഹങ്ങൾ കവിതയായാൽ നരകത്തിലെറിയുന്ന ദൈവം എന്ന സങ്കൽപ്പത്തെപ്പറ്റി കവി ആശങ്കപ്പെടുന്നു ഇവിടെ ഭൂമിയിൽ പ്രത്യേകിച്ച് അമേരിക്കയിൽ കവിത എഴുതിയാൽ ആരും വായിക്കില്ലെന്ന സമാധാനം ഉണ്ട്. മേലെ സ്വർഗത്തിൽ പോയി എന്തിനു ആ സുഖം നഷ്ടപ്പെടുത്തുന്നു. കവി ശ്രീ ജയൻ താങ്കളുടെ ആശയങ്ങളോട് യോജിക്കുന്നു.