അഹമ്മദാബാദിന് സമീപം ജൂൺ 12-ന് നടന്ന എയർ ഇന്ത്യ AI-171 വിമാനാപകടത്തിൽ മരിച്ചവരുടെ മൃതദേഹങ്ങൾ തിരിച്ചറിയുന്ന നടപടികൾ ഊർജിതമായി നടക്കുന്നു. ഇതുവരെ 19 പേരുടെ മൃതദേഹങ്ങൾ ഡിഎൻഎ പരിശോധനയിലൂടെ തിരിച്ചറിഞ്ഞതായി ഗുജറാത്ത് മന്ത്രി ഹർഷ് സംഘവി ശനിയാഴ്ച അറിയിച്ചു.

അഹമ്മദാബാദിലെ സിവിൽ ഹോസ്പിറ്റലിന് സമീപമുണ്ടായ ഈ ദുരന്തത്തിൽ മുൻ മുഖ്യമന്ത്രി വിജയ് രൂപാണി ഉൾപ്പെടെ 260-ൽ അധികം പേർക്കാണ് ജീവൻ നഷ്ടപ്പെട്ടത്. അപകടമുണ്ടായതിന് ശേഷം ഫൊറൻസിക് സയൻസ് ലബോറട്ടറി (FSL), നാഷണൽ ഫൊറൻസിക് സയൻസസ് യൂണിവേഴ്സിറ്റി (NFSU) എന്നിവിടങ്ങളിൽ നിന്നുള്ള വിദഗ്ധ സംഘങ്ങൾ രാപകൽ തിരിച്ചറിയൽ പ്രക്രിയയിൽ ഏർപ്പെട്ടിരിക്കുകയാണ്. ഇതിനോടകം 248-ൽ അധികം പേരുടെ ഡിഎൻഎ സാമ്പിളുകൾ ശേഖരിച്ചിട്ടുണ്ട്.

അപകടത്തിന്റെ കാരണം കണ്ടെത്താനുള്ള അന്വേഷണം തുടരുന്നതിനിടെ, രക്ഷാപ്രവർത്തനങ്ങളും ദുരിതാശ്വാസ പ്രവർത്തനങ്ങളും വലിയ തോതിൽ പുരോഗമിക്കുകയാണ്.

English summary:

Ahmedabad Tragedy: 19 Bodies Identified Through DNA Testing; Rescue Operations Continue