യൂറോപ്പ്: ഇന്ത്യന്‍ ഓവര്‍സീസ് കോണ്‍ഗ്രസ് ജര്‍മ്മനി, യു കെ, അയര്‍ലണ്ട്, ഓസ്ട്രിയ, സ്വിറ്റ്‌സര്‍ലന്‍ഡ്, പോളണ്ട് രാജ്യങ്ങളുടെ സംയുക്താഭിമുഖ്യത്തില്‍ സംഘടിപ്പിച്ച ഉമ്മന്‍ ചാണ്ടി അനുസ്മരണം വികാരാര്‍ദ്രമായി.

കേരളത്തില്‍ നിന്നും വിദേശ രാജ്യങ്ങളില്‍ നിന്നുമായി രാഷ്ട്രീയ- സാമൂഹിക - സാംസ്‌കാരിക - മാധ്യമ രംഗത്തെ പ്രമുഖരെ പങ്കെടുപ്പിച്ചു കൊണ്ടു 'ഓര്‍മയില്‍ ഉമ്മന്‍ചാണ്ടി' എന്ന തലക്കെട്ടില്‍ ഓണ്‍ലൈനായി സംഘടിപ്പിച്ച സമ്മേളനത്തിന്റെ ഔപചാരിക ഉദ്ഘാടനം പ്രതിപക്ഷ നേതാവ് ശ്രീ. വി ഡി സതീശന്‍, എം എല്‍ എ നിര്‍വഹിച്ചു.

ഉമ്മന്‍ ചാണ്ടിയുടെ വിടവ് കേരള രാഷ്ട്രീയത്തില്‍ നികത്താനാവാത്തതാണെ ന്നും താനുള്‍പ്പടെയുള്ളവര്‍ക്ക് വഴികാട്ടിയായി മുന്‌പേ നടന്നു നീങ്ങിയ നേതാവായിരുന്നു ഉമ്മന്‍ ചാണ്ടി എന്നും ശ്രീ. വി ഡി സതീശന്‍ അനുസ്മരണ സന്ദേശത്തില്‍ പറഞ്ഞു. ജനക്ഷേമം ലക്ഷ്യമാക്കിയുള്ള അദ്ദേഹത്തിന്റെ പ്രവര്‍ത്തനങ്ങളാണ് അദ്ദേഹത്തെ ജനപ്രീയ നേതാവാക്കിയതെന്നും അദ്ദേഹം കൂട്ടിച്ചേര്‍ത്തു.

ഐ ഒ സി യൂറോപ്പ് വൈസ് -  ചെയര്‍മാന്‍ ശ്രീ. സിറോഷ് ജോര്‍ജ് അധ്യക്ഷത വഹിച്ച ചടങ്ങില്‍ ഐ ഒ സി ജര്‍മ്മനി - കേരള ചാപ്റ്റര്‍ പ്രസിഡന്റ് ശ്രീ. സണ്ണി ജോസഫ് സ്വാഗതം ആശംസിച്ചു.

എം എല്‍ എമാരായ റോജി എം ജോണ്‍, രാഹുല്‍ മാങ്കൂട്ടത്തില്‍, വീക്ഷണം ദിനപത്രം എംഡി അഡ്വ. ജെയ്സണ്‍ ജോസഫ്, മനുഷ്യാവകാശ പ്രവര്‍ത്തകനും കെപിസിസി പബ്ലിക് റിസര്‍ച്ച് & പോളിസി വിഭാഗം ചെയര്‍മാനുമായ ജെ എസ് അടൂര്‍, പൊതുപ്രവര്‍ത്തകയും ഉമ്മന്‍ ചാണ്ടിയുടെ പുത്രിയുമായ മറിയ ഉമ്മന്‍, യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറി ഡോ. സോയ ജോസഫ്, സാംസ്‌കാരിക പ്രവര്‍ത്തകനും മെഗാസ്റ്റാര്‍ പദ്മശ്രീ. മമ്മൂട്ടിയുടെ പി ആര്‍ ഓ റോബര്‍ട്ട് കുര്യാക്കോസ്, ഐ ഓ സി ഗ്ലോബല്‍ കോഡിനേറ്റര്‍ അനുരാ മത്തായി എന്നിവര്‍ പ്രത്യേക ക്ഷണിതാക്കളായി പങ്കെടുത്തു അനുസ്മരണ സന്ദേശങ്ങള്‍ നല്‍കി.

രാഷ്ട്രീയ- സാമൂഹിക - സാംസ്‌കാരിക - മാധ്യമ രംഗത്തെ പ്രമുഖരേയും, കക്ഷി - രാഷ്ട്രീയ ഭേദമന്യേ ഉമ്മന്‍ ചാണ്ടിയെ സ്‌നേഹിക്കുന്ന സുമനസുകളെയും ചേര്‍ത്തുകൊണ്ട് ക്രമീകരിച്ച അനുസ്മരണ പരിപാടികള്‍ക്ക് പ്രോഗ്രാം കണ്‍വീനറും ഐ ഒ സി ജര്‍മ്മനി - കേരള ചാപ്റ്റര്‍ പ്രസിഡന്റുമായ സണ്ണി ജോസഫ്, പ്രോഗ്രാം കോര്‍ഡിനേറ്ററും
ഐ ഓ സി യു കെ - കേരള ചാപ്റ്റര്‍ ജനറല്‍ സെക്രട്ടറിയുമായ റോമി കുര്യാക്കോസ് എന്നിവര്‍ നേതൃത്വം നല്‍കി.

ഐ ഒ സി അയര്‍ലണ്ട് പ്രസിഡന്റ് ലിങ്ക്വിന്‍സ്റ്റര്‍ മാത്യു, ഐ ഒ സി സ്വിറ്റ്‌സര്‍ലണ്ട് പ്രസിഡന്റ് ജോയ് കൊച്ചാട്ട്, ഐ ഒ സി സ്വിറ്റ്‌സര്‍ലണ്ട് - കേരള ചാപ്റ്റര്‍ പ്രസിഡന്റ് ടോമി തൊണ്ടാംകുഴി, ഐ ഒ സി അയര്‍ലണ്ട് - കേരള ചാപ്റ്റര്‍ പ്രസിഡന്റ് സാഞ്ചോ മുളവരിക്കല്‍, ഐ ഒ സി യു കെ - കേരള ചാപ്റ്റര്‍ പ്രസിഡന്റുമാരായ സുജു ഡാനിയേല്‍, ഷൈനു ക്ലെയര്‍ മാത്യൂസ്, ഐ ഓ സി പോളണ്ട് പ്രസിഡന്റ് ജിന്‍സ് തോമസ്, ഐ ഓ സി പോളണ്ട് ജനറല്‍ സെക്രട്ടറി ഗോകുല്‍ ആദിത്യന്‍, വിവിധ രാജ്യങ്ങളിലെ ഐ ഓ സി നേതാക്കന്മാര്‍, യൂണിറ്റ് - റീജിയന്‍ പ്രതിനിധികള്‍,  പ്രവര്‍ത്തകര്‍ തുടങ്ങിയവര്‍ ഉമ്മന്‍ ചാണ്ടിയെ അനുസ്മരിച്ച് സംസാരിച്ചു.