Image

അവസാനിച്ച വരികൾ (കവിത : കവിത . പി )

Published on 20 August, 2025
അവസാനിച്ച വരികൾ (കവിത : കവിത . പി )

ഞാനെത്ര  
താളുകളാണ് 
മറന്നുപോയത്..... 
പൊട്ടിയ നൂലിഴകൾക്കു മീതെ
ചേർത്തടച്ച
വേർപാടിന്റെ
കൂട്ടിച്ചേർക്കലുകൾ...
നിന്റെ ചുംബനത്തേക്കാൾ 
എന്നെ പുളകിതയാക്കിയ 
വരികൾക്കു മീതെ
മൗനമായൊഴുകിയ
കണ്ണിണ 
നനഞ്ഞും ചിരിച്ചും
ഏകാന്തതയുടെ
വിരൽത്തുമ്പുകൊണ്ടൊ-
രായിരം കാതങ്ങൾ
വരച്ചു ചേർത്തു
മറന്നു പോയതെവിടെ?
വായിച്ചു തീർത്തതെവിടെ?
പിരിഞ്ഞു പോകുന്നേരം
ഓർത്തെടുക്കാൻ
മാത്രം
നമുക്കിടയിൽ
കോർത്തുവച്ച
സൂചികകളെ
ചേർത്ത്
അടച്ചുവച്ച
താളുകളിതുവരെ
ഓർമ്മയുണ്ടായിരിക്കണം
അവസാനിച്ച വരികൾ.....

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക