ഫോമാ വെസ്റ്റേൺ റീജിയന്റെ ആഭിമുഖ്യത്തിൽ ലാസ് വേഗസിൽ വെച്ച്  നവംബർ 14, 15 തീയതികളിൽ നടത്തുന്ന ബിസിനസ് കൺവൻഷന്റെയും ഫാമിലി നൈറ്റിന്റെയും ഡയമണ്ട് സ്പോൺസറായി പ്രമുഖ വ്യവസായിയും മുൻ ഫോമാ പ്രസിഡന്ടുമായ ജോണ് ടൈറ്റ്‌സ് രംഗത്തു വന്നു.    

ബിസിനസ് കൺവൻഷൻ-ഫാമിലി നൈറ്റിന്റെ രജിസ്ട്രേഷൻ മികച്ച രീതിയിൽ മുന്നോട്ടു പോകുന്നതായി ആ.വി.പി. ജോൺസൺ ജോസഫ് അറിയിച്ചു. ലാസ് വേഗസിലെ പ്രശസ്തമായ റിയോ കാസിനോ ഹോട്ടലിലാണ് കൺവൻഷൻ.   ലാസ് വേഗാസിന്റെ മാസ്മരികത ആസ്വദിച്ചു  കുടുംബമായും അല്ലാതെയും ഈ പ്രത്യേക പരിപാടിയിൽ  പങ്കെടുക്കുവാൻ എല്ലാവര്ക്കും അവസരമൊരുക്കുന്നതാണ്.

അമേരിക്കൻ മലയാളി ബിസിനസ്   സംഭരംഭകർക്കും, തുടക്കക്കാർക്കും, അവരുടേതായ ബിസിനസ് വളർച്ചയ്ക്കു വേണ്ടിയും, വിവിധ മേഖലകളിൽ നിന്നും കിട്ടുന്ന ആനുകൂല്യങ്ങൾ, ബിസിനസ് മേഖലയിൽ നേരിടാവുന്ന പ്രശ്നങ്ങൾ, എന്നിങ്ങനെ ഒട്ടനവധി വിഷയങ്ങൾക്കു   മാർഗനിദ്ദേശങ്ങൾ നൽകുകയെന്നുള്ളതാണ് ഈ ബിസിനസ് കൺവൻഷൻ്റെ ലക്ഷ്യം. ബിസിനസ് രംഗത്തു ഗ്രദ്ധേയമായ നേട്ടങ്ങൾ കൈവരിച്ചിട്ടുള്ള  വിദഗ്തരാവും ഈ പരിപാടിയുടെ മുഖ്യാതിഥികൾ.

ബിസിനസ് സെഷനുകളിൽ   വ്യവസായ നേതാക്കളും സംരംഭകരുമായുള്ള  ആശയ വിനിമയം,  പ്രമുഖ എക്സിക്യൂട്ടീവുകളുടെയും ഗസ്റ്റ് സ്‌പീക്കേഴ്സിന്റെയും  മുഖ്യ പ്രസംഗങ്ങൾ, സ്ട്രാറ്റജി , ഗ്രോത്ത്, ഇന്നവേഷൻ ചർച്ചകൾ  ,വ്യവസായത്തെ കുറിച്ച ധാരണകൾ,  മാർക്കറ്റ് ട്രെൻഡുകൾ, ഭാവി വിജയത്തിനുള്ള ആക്ഷൻ പ്ലാനുകൾ, പ്രൊഫെഷണൽ ഡെവലപ്മെന്റ്  എന്നിവ ഉൾപ്പെടും.
കുടുംബങ്ങൾക്ക് വേണ്ടി ഒരുക്കിയിരിക്കുന്ന  വിനോദപരിപാടികളിൽ ഗൈഡഡ് സിറ്റി ടൂർ, ഷോപ്പിംഗ് യാത്രകൾ, ലൈവ് മ്യൂസിക്കിന്റെയും കലാ പ്രകടനങ്ങളുടെയും  അകമ്പടിയോടെ  ബാങ്ക്വറ്റ്, പ്രശസ്ത ലാസ് വെഗാസ്  ഷോകൾക്കുള്ള എക്‌സ്‌ക്ലൂസീവ് പ്രവേശനം, കുട്ടികൾക്കായി അക്വേറിയം, റൈഡ്സ് , പ്ലേ സോൺസ് , പൂൾ സൈഡ് ഗെയിമുകൾ, വിനോദ പരിപാടികൾ, മുതിർന്നവർക്ക് കാസിനോ നൈറ്റ് എന്നിവ ഒരുക്കിയിരിക്കുന്നു.

വ്യത്യസ്ത  കര്മ്മ രംഗങ്ങളിൽ പ്രതിഭ തെളിയിച്ച  മലയാളികളിലെ ഏറ്റവും ശ്രദ്ധേയമായ പേരാണ് ജോൺ ടൈറ്റസ്. വ്യോമയാന രംഗത്ത് സാങ്കേതിക മികവിന്റെ മുഖമുദ്രയായി, സിയാറ്റിൽ ആസ്ഥാനമായി പ്രവർത്തിക്കുന്ന കമ്പനിയാണ് അദ്ദേഹത്തിന്റെ എയ്റോ കൺട്രോൾസ് (Aero Controls).  കഴിഞ്ഞ 41 വർഷമായി ഈ രംഗത്ത് പ്രവർത്തിച്ച് ലോകത്തിലെ   വിമാന കമ്പനികളുടെ പ്രശംസ പിടിച്ചുപറ്റിയ അദ്ദേഹം, സാമൂഹിക-സാംസ്കാരിക രംഗത്തും  ശ്രദ്ധേയനാണ്. 400-ലധികം ജീവനക്കാരുള്ള Aero Controls, ജീവകാരുണ്യ പ്രവർത്തനങ്ങൾക്കും പ്രശസ്‌തി  നേടിയ സ്ഥാപനം ആണ്. കൂടുതലരും പ്രവേശിക്കാത്ത മേഖലയിൽ അശ്രാന്ത പരിശ്രമത്തിലൂടെ വിജയം കൊയ്തുവെന്നതാണ് ജോൺ ടൈറ്റസിനെ വ്യത്യസ്തനാക്കുന്നത്

വെസ്റ്റേൺ റീജിയൺ ആർ.വി.പി ജോൺസൺ ജോസഫിൻ്റെയും, ബിസിനസ് ചെയർ ബിജു സ്കറിയയുടെയും (കേരള അസോസിയേഷൻ ഓഫ് വാഷിംഗ്ടൺ, സിയാറ്റിൽ) നേതൃത്വത്തിൽ ഫോമയുടെ മിനി  കൺവൻഷൻ എന്നു വിശേഷിപ്പിക്കാവുന്ന  ഈ കൺവഷൻ്റെ പ്രവർത്തനങ്ങൾക്ക് എല്ലാ മലയാളികളെയും സ്വാഗതം ചെയ്യുന്നതായി ഫോമ പ്രസിഡൻ്റ്  ബേബി മണക്കുന്നേൽ, ജനറൽ സെക്രട്ടറി  ബൈജു വർഗീസ്, ട്രഷറർ സിജിൽ പാലയ്ക്കലോടി, വൈസ് പ്രസിഡൻ്റ് ഷാലു പുന്നൂസ്, ജോയിൻ്റ് സെക്രട്ടറി പോൾ ജോസ്, ജോയിൻ്റ്  ട്രഷറർ അനുപമ കൃഷ്ണൻ, നാഷണൽ ബിസിനസ് ഫോറം ചെയർ ബേബി ഊരാളിൽ, ഫോമ മുൻ പ്രസിഡൻ്റും കൺവൻഷൻ ഉപദേശക സമിതി ചെയർമാനുമായ ജോൺ ടൈറ്റസ് എന്നിവർ അറിയിച്ചു.

നാഷണൽ കമ്മിറ്റി അംഗങ്ങളായ ജോർജ്ജ്കുട്ടി തോമസ് പുല്ലാപ്പള്ളി, സുജ ഔസോ, സജൻ മൂലേപ്ലാക്കൽ,
ഓജസ് ജോൺ, ഡോ. മഞ്ജു പിള്ള, ശരത് നായർ, ആഗ്നസ് ബിജു, ചെയർമാൻ റെനി പൗലോസ്, സെക്രട്ടറി സജിത്ത് തൈവളപ്പിൽ, ട്രഷറർ മാത്യു ചാക്കോ, വൈസ് ചെയർമാൻ ജോസഫ് ഔസോ, ജോയിൻ്റ് സെക്രട്ടറി സെൽബി കുര്യാക്കോസ്, പി.ആർ.ഒ പന്തളം ബിജു തോമസ്, ജാസ്മിൻ പരോൾ, ഡോ. പ്രിൻസ് നെച്ചിക്കാട്ട്, ഡോ. രശ്മി സജി, രാജൻ ജോർജ്, ജാക്‌സൺ പൂയപ്പടം, റേച്ചൽ പോൾ, ടോജോ തോമസ്, ഡാനിഷ് തോമസ്, പോൾ ജോൺ, ഡോ. തോംസൺ ചെമ്പ്ലാവിൽ, ഡേവിഡ് പറപ്പിള്ളി, കുസുമം ടൈറ്റസ്, ഷൈജു വർഗീസ്, ഷോണ സാജൻ, ജോമി മാത്യു, ഷാൻ പരോൾ എന്നിവർ  ഉൾപെട്ട കമ്മറ്റി വിപുലമായ  പ്രവർത്തനങ്ങൾ നടത്തി വരുന്നു. കേരള അസോസിയേഷൻ ഓഫ് ലാസ് വേഗാസിന്റെ പരിപൂർണ്ണ സഹകരണത്തോടെയായിരിക്കും പരിപാടികളുടെ നടത്തിപ്പുകൾ.

കൂടുതൽ വിവരങ്ങൾക്കും, രജിസ്ടേഷനും
https://fomaavegas2025.com/

Johnson Joseph (RVP) - 310-986-9672, Biju Skariah(Business Chair)- (425) 329-9090