ഫോമായുടെ 'നമ്മുടെ ഭാഷ, നമ്മുടെ അഭിമാനം' പദ്ധതി; സ്‌കൂളുകൾക്ക് അവാർഡ് നൽകും

മലയാള ഭാഷയുടെ പ്രചാരണത്തിനും പരിപോഷണത്തിനും പ്രാധാന്യം നൽകി ഭാഷാ പഠനത്തിനു സമഗ്ര സംഭാവന നൽകുന്ന സംസ്ഥാനത്തെ മികച്ച സർക്കാർ സ്കൂളിനും സ്വകാര്യ സ്കൂളിനും അവാർഡ് നൽകുന്നു.

അമേരിക്കൻ മലയാളികളുടെ ഏറ്റവും വലിയ കൂട്ടായ്മയായ ഫോമാ ആദ്യമായി ഏർപ്പെടുത്തുന്ന അവാർഡിന്റെ ലോഗോ പ്രതിപക്ഷ നേതാവ് വി ഡി സതീശൻ സംസ്ഥാന വയോജനകമ്മീഷൻ അംഗമായ ഇ.എം രാധക്കു നൽകി പ്രകാശനം ചെയ്തു. ഫോമാ ലാംഗ്വേജ് ആൻഡ് എഡ്യൂക്കേഷൻ കമ്മിറ്റി ചെയർമാൻ സാമൂവൽ മത്തായി, കേരളീയം സെക്രട്ടറി ജനറൽ ലാലു ജോസഫ്, കലാ ട്രസ്റ്റി സുബാഷ് അഞ്ചൽ എന്നിവർ പങ്കെടുത്തു

ഈ വര്ഷം ജൂൺ ഒന്ന് മുതൽ ഡിസംബർ 31 വരെയുള്ള കാലയളവിൽ സ്കൂളുകളിൽ നടന്ന മലയാള ഭാഷാ പ്രോത്സാഹന പ്രവർത്തനങ്ങൾ വിലയിരുത്തിയാണ് അവാർഡ് നിശ്ചയിക്കുക. അവാർഡിന് പരിഗണിക്കപ്പെടാൻ താല്പര്യം ഉള്ള സ്കൂളുകൾ അവാർഡ് സംബന്ധിച്ച കാര്യങ്ങൾ കോഓർഡിനേറ്റ് ചെയ്യുന്ന കലയുടെ ഇ-മെയിൽ വിലാസത്തിൽ ബന്ധപ്പെടുക.
2025 ഡിസംബർ 31 വരെ എൻട്രികൾ സ്വീകരിക്കും.

മികച്ച സ്കൂളുകൾക്ക് കാഷ് അവാർഡും സർട്ടിഫിക്കറ്റും നൽകും. ജനുവരിയിൽ കോട്ടയത്ത് നടക്കുന്ന ഫോമാ കേരളാ കൺവൻഷനിൽ പുരസ്കാരങ്ങൾ വിതരണം ചെയ്യുമെന്ന് ഫോമാ പ്രസിഡൻ്റ് ബേബി മണക്കുന്നേൽ, സെക്രട്ടറി ബൈജു വർഗീസ്, ട്രഷറർ സിജിൽ പാലക്കലോടി, വൈസ് പ്രസിഡൻ്റ് ഷാലു പുന്നൂസ്, ജോയിൻ്റ് സെക്രട്ടറി പോൾ പി ജോസ്, ജോയിൻ്റ് ട്രഷറർ അനുപമ കൃഷ്ണൻ എന്നിവർ അറിയിച്ചു.
ഭാഷാ, വിദ്യാഭ്യാസ കമ്മറ്റിയുടെ സെക്രട്ടറി ബിനി മൃദുൽ, വൈസ് ചെയർമാൻ എൽസി ജൂബി, ട്രഷറർ അമ്മു സക്കറിയ, ജോയിൻ്റ് സെക്രട്ടറി ജോജോ കോട്ടക്കൽ എന്നിവരും പങ്കെടുക്കും.
അപേക്ഷകൾ അയയ്ക്കേണ്ട ഇ-മെയിൽ: kalatrustkerala@gmail.com

Facebook Comments

Comments

Varkey Thevarmadam 2025-10-24 06:13:12

മറ്റ് എവിടെയും ഈ മേൽ കാണുന്ന ആരുടെയും ഭാഷാ സാഹിത്യ പ്രവർത്തനങ്ങളെ പറ്റി കേട്ടിട്ടില്ല. അതുപോലെ അവർ എഴുതിയ വാർത്തകളോ, ലേഖനങ്ങളോ, കവിതകളോ, കഥകളോ എവിടെയും പ്രസിദ്ധീകരിച്ചു കണ്ടിട്ടില്ല. ഇപ്പോൾ ഇതിൻറെ ഏറ്റവും വലിയ ചുമതലക്കാരും മറ്റുമായി മേൽപ്പറഞ്ഞ വ്യക്തികളെ വാർത്തകളിൽ കാണുന്നു. അത്രമാത്രം. പുതിയവർ എന്ന നിലയിൽ ഇപ്പോൾ ഇവർ കയറിവരുന്നവരായിരിക്കും. സാരമില്ല കുഴപ്പമില്ല. പഴയ വൻകിട പ്രവർത്തകരെ തഴഞ്ഞിട്ടാണെങ്കിലും പുതുമക്കാരും പുതിയ മുഖങ്ങളും രംഗത്തേക്ക് വരട്ടെ. അവർക്കും പ്രോത്സാഹനം കൊടുക്കുക. ഈ പുതുമക്കാർക്കും ഭാവുകങ്ങൾ. എന്നാലും കൂടുതൽ പരിചിതരായ ഭാഷാ സാഹിത്യ പ്രവർത്തകരുമായി കൺസൾട്ട് ചെയ്യുക. അവരുടെ ഗൈഡൻസ് എടുക്കുക. അവരെയും പരിപാടികളിൽ പങ്കെടുപ്പിക്കുക.

foma kuttan 2025-10-24 14:40:29

മാത്യുസ് മുണ്ടക്കൽ കൺവൻഷൻ ചെയർ സ്ഥാനം രാജി വച്ചതോ പുറത്താക്കിയതോ?

Mathumon Mundenkol 2025-10-24 17:37:28

കഷ്ടം, ഈ ഭാഷ കമ്മറ്റിക്കാരുടെ യോഗ്യത നാട്ടിലെ പ്രതിപക്ഷ നേതാവിന്റെ കൂടെ നിൽക്കുന്ന ഫോട്ടോ എടുക്കുന്നതോ, അത് ഏത് രാഷ്ട്രീയക്കാരും ആയിക്കോട്ടെ, ഈ ഫോട്ടോ എടുക്കുന്നതാണോ പരമ യോഗ്യത?. അതിപ്പോ ഫോമായിലിങ്ങനെ. FOKANA- World Malayali തുടങ്ങിയ സ്വേച്ഛാധിപത്യ തട്ടിക്കൂട്ട് സംഘടനകളിലും ഇതൊക്കെത്തന്നെ ഇങ്ങനെയൊക്കെ കളികൾ. പിന്നെ നാട്ടിലെ രാഷ്ട്രീയ നേതാക്കന്മാർ ആർക്കും ഫോട്ടോയ്ക്ക് നിന്ന് കൊടുക്കും. നേരിൽ വരുന്ന ആരെയും അവർ കേറി അപ്പാ എന്ന് വിളിക്കും. ഒന്ന് ചോദിക്കട്ടെ ഈ വൻകിട അംബർലാ സംഘടനകളിൽ പ്രതിനിധികളായി, അതാത് പോഷക സംഘടനകളിൽ നിന്ന് പോകുന്ന ആരെയെങ്കിലും ജനാധിപത്യ പ്രക്രിയയിലൂടെ തെരഞ്ഞെടുത്ത് വിടുന്നവരാണോ?. അല്ലല്ലോ?. ചുമ്മാ കേറി ചില സ്ഥിരം കുറ്റികൾ കേന്ദ്രകമ്മിറ്റിയിൽ പോയി കുത്തിയിരിക്കുന്നു കൈപൊക്കുന്നു. . സ്റ്റേജിൽ കയറി നീണ്ട നീണ്ട വീമ്പടിക്കുന്ന പ്രസിഡണ്ടും ഭാരവാഹികളും ധൈര്യമുണ്ടെങ്കിൽ ഇതിനൊരു ഉത്തരം തരുമോ?. തന്നിഷ്ടത്തിന് കൂട്ടുനിൽക്കാത്ത വരെ സ്ഥാനങ്ങളിൽ നിന്ന് നീക്കുന്നു. നീതി നിഷ്ഠയുള്ള സത്യസന്ധരെ ആർക്കും വേണ്ട. ഒരു കഴിവില്ലേലും ചൊറിഞ്ഞു കൊടുക്കുന്ന വരെ കൂടെ കോലേൽ കുത്തിക്കൊണ്ടു നടക്കും.

ഫോമായുടെ 'നമ്മുടെ ഭാഷ, നമ്മുടെ അഭിമാനം' പദ്ധതി; സ്‌കൂളുകൾക്ക് അവാർഡ് നൽകും

PATHRANGAL

US WEBSITES

EMalayalee Available in MediaAppUSA