മലയാള സിനിമയുടെ ചരിത്രം തിരുത്തിക്കുറിച്ച 'ലോക: ചാപ്റ്റര്‍ 1 - ചന്ദ്ര' ജിയോഹോട്ട്സ്റ്റാറില്‍ ഒക്ടോബര്‍ 31 മുതല്‍ സ്ട്രീമിംഗ് ആരംഭിക്കുന്നു. കാഴ്ചയുടെ ഒരു പുതിയ ലോകമാണ് ലോക പ്രേക്ഷകര്‍ക്കായി ഒരുക്കിയിരിക്കുന്നത്. ഡൊമിനിക് അരുണും ശാന്തി ബാലചന്ദ്രനും ചേര്‍ന്ന്  തിരക്കഥ എഴുതിയ ഈ ചിത്രം സംവിധാനം ചെയ്തിരിക്കുന്നത് ഡൊമിനിക് അരുണാണ്. ലോകയുടെ നിര്‍മ്മാണം  വേഫെയറര്‍ ഫിലിംസിന്റെ ബാനറില്‍ ദുല്‍ഖര്‍ സല്‍മാനാണ് നിര്‍വ്വഹിച്ചിരിക്കുന്നത്. മലയാളത്തിലെ ആദ്യ സൂപ്പര്‍ വുമണ്‍ ചിത്രം എന്ന നിലയില്‍ പുറത്തിറങ്ങിയ ലോക കേരളത്തിലെ ഇന്നോളമുള്ള കളക്ഷന്‍ റെക്കോര്‍ഡുകള്‍ ഭേദിച്ച് മുന്നേറുകയാണ്.

കല്യാണി പ്രിയദര്‍ശന്‍ കേന്ദ്ര കഥാപാത്രമായ ചന്ദ്രയെ അവതരിപ്പിച്ചിരിക്കുന്ന ഈ ചിത്രത്തില്‍ നസ്ലിന്‍ ഒരു പ്രധാന വേഷം ചെയ്തിരിക്കുന്നു. ചന്തു സലിംകുമാര്‍, അരുണ്‍ കുര്യന്‍, സാന്‍ഡി മാസ്റ്റര്‍, നിഷാന്ത് സാഗര്‍, വിജയരാഘവന്‍ എന്നിവരോടൊപ്പം മലയാളത്തിലെ പ്രമുഖ താരങ്ങളും അണിനിരന്ന ഈ ചിത്രത്തില്‍ ദുല്‍ഖര്‍ സല്‍മാന്‍, ടോവിനോ തോമസ് എന്നിവര്‍ അതിഥി വേഷങ്ങളിലും  എത്തുന്നുണ്ട്.  

ജേക്‌സ് ബിജോയ് സംഗീതം ഒരുക്കിയിരിക്കുന്ന ചിത്രത്തിന് ഛായാഗ്രഹണം നിര്‍വ്വഹിച്ചിരിക്കുന്നത് നിമിഷ് രവിയും  എഡിറ്റിംഗ് ചമന്‍ ചാക്കോയുമാണ്.

ഒക്ടോബര്‍ 31 മുതല്‍ മലയാളം, തമിഴ്, തെലുങ്ക്, കന്നഡ, ഹിന്ദി, മറാഠി, ബംഗാളി എന്നീ ഏഴ് ഭാഷകളിലാണ് 'ലോക: ചാപ്റ്റര്‍ വണ്‍ -ചന്ദ്ര' സ്ട്രീം ചെയ്യുന്നത്. ഈ ദൃശ്യ വിസ്മയം കാണാന്‍ മറക്കരുത്.

About JioHotstar
JioHotstar is one of India's leading streaming platforms, formed through the coming together of JioCinema and Dinsey+ Hotstar. With an unparalleled content catalogue, innovative technology, and a commitment to accessibility, JioHotstar aims to redefine entertainment for everyone across India.