ന്യൂയോര്‍ക് : മലങ്കര ഓര്‍ത്തഡോക്‌സ് സഭയുടെ പ്രഥമ പ്രഖ്യാപിത പരിശുദ്ധനായ ഗീവര്‍ഗീസ് മാര്‍ ഗ്രീഗോറിയോസ് തിരുമേനിയുടെ നൂറ്റിഇരുപത്തിമൂന്നാമതു (123th)ഓര്‍മ്മപ്പെരുന്നാളും നാല്പ്പതെട്ടാമതു (48th) ഇടവകപ്പെരുന്നാളും അമേരിക്കയിലെ പരുമല എന്നറിയപ്പെടുന്ന ക്വീന്‍സ് St ഗ്രീഗോറിയോസ് ഓര്‍ത്തഡോക്‌സ് ഇടവകയില്‍ വെള്ളി,ശനി (Nov-7,8)ദിവസങ്ങളില്‍ നടത്തപ്പെടുന്നു. നവംബര്‍ 2 ഞായറാഴ്ച വിശുദ്ധ കുര്‍ബ്ബാനയ്ക്ക് ശേഷം ഇടവക വികാരി റവ.ഫാ.ജെറി വര്‍ഗീസ് കൊടി ഉയര്‍ത്തി. 

വെള്ളിയാഴ്ച വൈകിട്ട് 7 മണിക്ക് സന്ധ്യാപ്രാര്‍ത്ഥനയും, ധ്യാനപ്രസംഗവും മധ്യസ്ഥപ്രാര്‍ത്ഥനയും, ശനിയാഴ്ച രാവിലെ 8:30 ന്, പ്രഭാതനമസ്‌കാരവും വിശുദ്ധകുര്‍ബ്ബാനയും തുടര്‍ന്ന് ഭക്തിനിര്‍ഭരമായ പ്രദിക്ഷണവും സ്നേഹവിരുന്നും ഉണ്ടായിരിക്കുന്നതാണ്.  ബാള്‍ട്ടിമോര്‍ St.തോമസ് ഇന്ത്യന്‍ ഓര്‍ത്തഡോക്‌സ് ഇടവകയുടെ വികാരി റവ.ഫാ. ടോബിന്‍ മാത്യു പെരുന്നാള്‍ ശുശ്രൂഷകള്‍ക്ക് നേതൃത്വം നല്‍കുന്നു. എല്ലാ വിശ്വാസികളുടെയും പ്രാര്ഥനാപൂര്‍ണ്ണമായ സാന്നിധ്യ സഹകരണങ്ങള്‍ സാദരം ക്ഷണിച്ചുകൊള്ളുന്നു.

വാര്‍ത്ത നല്‍കിയത് : ജോസഫ് പാപ്പന്‍