നവംബർ 5 മുതൽ 16 വരെ ഷാർജയിൽ വച്ചു നടക്കുന്ന ലോക പ്രശസ്തമായ  ഇൻ്റർനാഷണൽ ബുക് ഫെയർ 2025 ൽ മുംബൈ എഴുത്തുകാരൻ രാജൻ കിണറ്റിങ്കരയുടെ *നഗരച്ചുടിലെ അമ്മനിലാവ്* എന്ന നോവലും.  

മുംബൈ മഹാനഗരത്തിൻ്റെ ഉൾച്ചൂടിൽ  മലമക്കാവ് എന്ന തൻ്റെകൊച്ചു ഗ്രാമത്തേയും സ്നേഹത്തണലായ അമ്മയേയും വൈകാരികമായി വരച്ചിട്ട രാജൻ്റെ നോവൽ ആസ്വാദക പ്രശംസ പിടിച്ചു പറ്റിയിരുന്നു.  പ്രസാധകരായ എച്ച്&സി പബ്ലിക്കേഷൻസ്, തൃശൂർ പുസ്തകമേളയിൽ ഉൾപ്പെടുത്തിയ ഈ നോവൽ ഹാൾ നമ്പർ 7, സ്റ്റാൾ നമ്പർ 8 - ZC യിൽ ലഭ്യമായിരിക്കും.  നൂറിലധികം രാജ്യങ്ങളിലെ എഴുത്തുകാരുടെ രചനകൾ കൊണ്ട് ഷാർജ പുസ്തകമേള സമ്പന്നമാണ്.