കിനാവുകാരന്‍ കിനാവ് കണ്ട് കണ്ട് കസേര കാലില്‍ പാവാട കെട്ടുന്ന മട്ടു കാണുന്നു.

 Thank you Raju Thomas

കാൽപ്പനികതയുടെ നിറക്കുടവുമായ് വന്ന കവി - അങ്ങേക്ക്  അഭിനന്ദനം. ആധുനികത എന്ന അസംബന്ധത്തിന്റെ ഇടയിൽ ഒരു മജ്‌ഞീര ശിജ്ഞിതം. സുന്ദരം. പതിനേഴിന്റെ പടിവാതിൽക്കൽ വഴിക്കണ്ണുമായി നിന്ന കാവ്യദേവതയെ ഇറക്കികൊണ്ടുവന്നതിനു നന്ദി. 

മജ്‌ഞീര ശിജ്ഞിതത്തിന്റെ  മധുരിമയിൽ അല്പമായ തരംതാണ  ആനന്ദത്തിൽ മതിമറന്ന് മരതോക്കിന്‌ മണ്ണുണ്ട എന്നരീതിയിൽ പ്രതികരണവും എഴുതി ,ശ്രേഷ്ഠ ഭാഷയായ മലയാള അക്ഷരങ്ങളെ പാറപുറത്തും,കള്ളി മുൾച്ചെടികൾക്കിടിയിലും വിതച് വളർച്ച മുരടിച്ച ആ അക്ഷരങ്ങളെ കൊയ്യാൻ നടക്കുന്ന ആളുകളാണ്  അങ്ങേയറ്റത്തെ ആർജവമുള്ള ചിന്താപരമായ വർത്തമാനകാല  കവിതകളെ അസംബന്ധമെന്ന് മുദ്ര കുത്തുന്നത്.

(ഡോ.ശശിധരൻ)

അറിവിന്റെ വന്മലയായ ഡോക്ടർ ശശിധരൻ സാഹിബ് അങ്ങ് പറഞ്ഞത് ശരിയാണ്.   അങ്ങയെപ്പോലെ അറിവിലാത്തതുകൊണ്ടാണ്  ഓരോരുത്തര്  ആധുനിക കബിതയെ  അസംബന്ധം എന്ന് പറയുന്നത് .  അക്ഷരക്കൊയ്ത്ത് (ഈ പേരിൽ ഒരു കവിതാസമാഹാരം പുറത്ത് വന്നത് ഇ മലയാളിയിൽ വായിച്ചതുമായി ഈ പ്രയോഗത്തിന് ബന്ധമില്ല.) കഴിഞ്ഞ പാടത്ത് നെന്മണികൊത്താൻ വരുന്ന തുഞ്ചന്റെ പൈങ്കിളി തത്തയെ ,സങ്കലപ്പ സംഗീതം തീർത്ത ചങ്ങമ്പുഴയുടെ തത്തയെ , കുഞ്ചന്റെ കച്ചമണികൾ കൊത്തുന്ന തത്തയെ വെടിവച്ച് വീഴ്തത്താം. ഞമ്മക്ക് പൈങ്കിളികളെ ബേണ്ട.  അവിടെ രാസവളമിട്ടു , ട്രാക്ടർ കൊണ്ട് ഉഴുതു മറിച്ച് ശ്രെഷ്ഠഭാഷയായ മലയാളത്തെ വിളയിപ്പിക്കാം. സാധാരണക്കാരന് ദഹിക്കാത്ത അരിഭക്ഷണം കൊടുത്ത്  അവനെ ആശുപത്രിയിലാക്കാം.   ആരെങ്കിലും ശ്രെഷ്ടമല്ലാത്ത അക്ഷരങ്ങൾ വിതക്കുന്നതും കൊയ്യുന്നതും തടയാം. ഞമ്മള് ഇങ്ങളുടെ കൂടെയുണ്ട് സാഹിബ്. നമുക്ക് അമേരിക്കൻ മലയാള സാഹിത്യ പാടശേഖരങ്ങളിലെ വിതയും കൊയ്ത്തും നിയന്ത്രിക്കാം.  കച്ച കെട്ടി വരൂ സാഹിബ്. എന്തെങ്കിലും എഴുതി വിട്ട് അപ്രത്യക്ഷമാകരുത്.

പിന്നെ ജോസഫ് നമ്പിമഠം സാഹിബ് എഴുതിയത് മുയ്‌ക്കെ നമ്മള് ബായിച്ചു. രസിച്ചു. എന്നുബച്ചാൽ കബിതയുടെ മാഹാത്മ്യം ഒന്നും ഞമ്മക്കറിയില്ല. ഹൂറിമാർ വരുന്നതും പോകുന്നതും അവരുടെ കണ്ണിന്റെ പെട പ്പെടാപ്പും അതുകണ്ട് ഞമ്മള് പെടുന്ന പെടാപ്പാടുമൊക്കെ ഓർത്തു രസിച്ചു. കബിതയെ ഇങ്ങള് ബിലയിരുത്തുക

ഡോക്ർ ശശിധരൻ സാഹിബ്  ആധുനിക കവിതകളുടെ അർഥം പറഞ്ഞു താന്നാലും എനിക്ക് ഈ ആധുനിക കവിത തലയിൽ കയറില്ല .  പാവം ആ തമ്പിആന്റണി സാഹിബിന്റെ കണ്ണ് തള്ളിപ്പോയിക്കാണും അദ്ദേഹം പോലും സ്വപ്നം കാണാത്ത അർഥം അടിച്ചു കേറ്റി അഭിപ്രായം എഴുതിയപ്പോൾ . അങ്ങേര് ചിലപ്പോൾ പണ്ട് കാട്ടിയ ചില കുസൃതി തരം ഓർത്ത് എഴുതിയതായിരിക്കും . അല്ലെങ്കിൽ അങ്ങനെ ഒക്കെ ചെയ്യണമെന്നു സ്വപ്നം കണ്ടിരിന്നിരിക്കും .  ദർഭമുനയെ ഗർഭമുന എന്നൊക്ക എഴുതിയപ്പോൾ അദ്ദേഹത്തിന് അല്പം സന്തോഷം കിട്ടിക്കാണും .  എന്തായാലും ഡോക്ർ ശശിധരൻ സാഹിബ് രക്ഷിച്ചു കൊമ്പെ കേറ്റി  ഇരുത്തിയപ്പോൾ ഇതാ വരുന്നു നമ്മുടെ വിദ്യാധരൻ സാഹിബ് . അദ്ദേഹം പറയുന്നത് ഡോക്ർ ശശിധരൻ സാഹിബ് പറഞ്ഞ സാധങ്ങളൊക്കെ ഉണ്ടായിരുന്നെങ്കിൽ അത് നന്നായിരുന്നേനെ . അതിന്റെ അർഥം അതില്ലാ എന്നല്ലേ മൊല്ലാക്ക ? ഇപ്പോൾ ഇതാ വേറൊരു ഡോക്റ്റർ സാഹിബ് പറയുന്നു ഈ കല്പന എന്ന് പറഞ്ഞാൽ പേരാലിന്റെ താടിയിൽ വളരുന്ന പൂടയാണെന്ന് . എന്താണ് ഇവരുടെ ലക്‌ഷ്യം .  ഇവരൊക്ക അവരവരുടെ ഡോക്ടർ പദവി മറ പിടിച്ചു നമ്മടെ സച്ചിദാനന്ദനും ചുള്ളിക്കാടും ചേർന്ന് ആധുനികം ഉണ്ടാക്കിയതുപോലെ എന്തെങ്കിലും കൊയപ്പങ്ങൾ ഉണ്ടാക്കാനുള്ള നിഗൂഡ പരിപാടിയാണോ    മൊല്ലാക്ക . നിങ്ങളെ ഞമ്മക്ക് പെരുത്ത ഇഷ്ടം ആയിട്ടുണ്ട് . നിങ്ങടെ കയ്യിൽ എന്തൊക്കൊയോ സാധനങ്ങളുണ്ട് ഇവമ്മാര് വാല് പൊക്കണതെന്തിനാണെന്നറിയാം . ഒരു മറുപടി എഴുതുക .ഒന്ന്വല്ലങ്കിലും ഞമ്മടെ പേര് കുഞ്ഞാലിയെന്നല്ലേ 

അറുപതു കഴിഞ്ഞാൽ എല്ലാവരും പിറുപിറുക്കും. എഴുപതിനോടടുക്കുംബം പതിനേഴുകാരികളെ സ്വപ്നം കാണും. ഉറങ്ങുന്ന സുന്ദരിമാരെ താക്കോൽ ധാരത്തിലൂടെ നോക്കിക്കണ്ടു ദാരങ്ങളെ വർണ്ണിക്കൽ ഒരു സുഖമാണ് മാഷെ. ഇന്ന്‌ തലേം , മൊലേം, മുടീം എല്ലാം ആർട്ടിഫിഷ്യൽ ആയിട്ടും ആ പണ്ടത്തെ പ്രാകൃത സാഹിത്യം. കടമ്മനിട്ടക്ക് ഒരു പാരഡി. "എന്റെ പുറത്തെ ചൊറി ഒന്ന് ചൊറിയെടി  ശാന്തേ"

ഹൈ -കമലാക്ഷൻ -താമര പൂവിനേക്കാൾ മാമ്പൂവാണ് നല്ലത് -ഏതു കൽപ്പനയും ഇളകും

ഡോ. ശശിധരൻ 'പ്രാകൃതം' എന്നതിനെ  വിശദീകരിച്ചതിനെ ഞാൻ അംഗീകരിക്കുന്നു.  "എന്റെ പുറത്തെ ചൊറി ഒന്ന് ചൊറിയെടി  ശാന്തേ"  എന്ന് സുനു എഴുതിയപ്പോൾ നിങ്ങൾ ചിന്തിച്ച വിധത്തിലൊന്നും അല്ല അയാൾ ചിന്തിച്ചരിക്കുന്നത് എന്ന് വായിച്ചെടുക്കാൻ സാധരണക്കാർക്ക് മനസിലാകും .  പിന്നെ നിങ്ങൾ നിങ്ങളുടെ ഒരു ആശയം വിശദമാക്കാൻ അയാളെ ഒരു ക്ഷാമാപണ ത്തോടെ ഉപയോഗിച്ചപ്പോൾ അയാൾ തെറ്റ് ധരിച്ചു . നിങ്ങളുടെ പേര് സൂചിപ്പിച്ചെങ്കിലും ഞാൻ 'ചൊറിച്ചിൽ' വരുത്താവുന്ന അപകടത്തിനാണ് ഊന്നൽ നൽകിയത്  വായനയുടെ ലോകം ഒരു സാഗരംപോലെ വ്യാപ്തിയുള്ളതല്ലേ ? അത് ഈ ജന്മത്ത് സാധിക്കും എന്ന് തോന്നുന്നില്ല .  വായിച്ചതുകൊണ്ടാരും രക്ഷപ്പെടില്ലെങ്കിലും 'ഗ്രാമസൗഭാഗ്യം' വായിച്ചു രക്ഷപ്പെടുമെങ്കിൽ അത് വായിക്കാൻ ശ്രമിക്കും 

എന്ത് വായിക്കണമെന്ന് ഓരോരുത്തർ തീരുമാനിക്കും.  നിങ്ങൾക്ക് പി.എച്. ഡി ഉണ്ടെന്നു കരുതി ഇവിടെയുള്ള വായനക്കാരെ മുഴുവൻ പഠിപ്പിക്കാമെന്നു
കരുതുന്നത് ഭോഷത്വമല്ലേ ഡോക്ടറെ...ഓർക്കുക വ്യക്തി വൈരാഗ്യം നിരൂപണത്തിനുപയോഗിക്കരുത്. വിദ്യാധരൻ സാർ ആ കാര്യത്തിൽ ക്ളീൻ ആണ്. എത്ര വർഷമായി
അദ്ദേഹം എഴുതുന്നു. കൃതികളെക്കുറിച്ച് മാത്രം.  ജ്യോതിലക്ഷ്മിയോട് രാമായണം വായിക്കാൻ പറയുന്ന നിങ്ങൾ കൊച്ചാ കു കയാണ്. ലജ്‌ജാവാഹം. അമേരിക്കൻ മൊല്ലാക്ക നിങ്ങൾ അറിവിന്റെ വന്മല എന്നൊക്കെ വിശേഷിപ്പിക്കുമായിരിക്കും. എല്ലാവരും ആ അഭിപ്രായക്കാരല്ല.   ജനം തരുന്ന ബഹുമാനം കളഞ്ഞകുളിക്കരുത്.

വിദ്യാധരൻ ആദ്യം തന്നെ വായനയുടെ വ്യാപ്തി വർദ്ധിപ്പിക്കാതെ യാതൊരു രക്ഷയുമില്ല. സാഹിത്യ ലോകത്തിലെ ഏറ്റുവും ശുദ്ധമായ സാഹിത്യമാണ് പ്രാകൃത സാഹിത്യം .പ്രാകൃതമെന്നത് പ്രകൃതിയിൽ നിന്ന് സിദ്ധമാണ്.ഏറ്റുവും ശുദ്ധമായ സാഹിത്യത്തിൻറെ ആദ്യരൂപം.ഒന്നാം നൂറ്റാണ്ടിൽ ജീവിച്ചിരുന്ന ഹാലൻ (ശാതവാഹനരാജാവ്) എഴുതിയ സമാഹാരത്തിൽ നിന്നും എടുത്ത കുറച് കവിതൾ വള്ളത്തോൾ ഗ്രാമസൗഭാഗ്യം എന്ന പേരിൽ മലയാളത്തിലേക്ക് മാറ്റം ചെയ്തിട്ടുണ്ട് .സൗകര്യപ്പെട്ടാൽ അതൊന്നു വായിച്ചു നോക്കൂ. (ഡോ.ശശിധരൻ)

പണത്തിന്റയും പ്രതാപത്തിന്റയും, ദൈവത്തിന്റെയും, സംഘടനകൾ കാശുവാങ്ങി കൊടുക്കുന്ന അവാര്ഡുകളുടെ  പേരിൽ മലയാള സാഹിത്യത്തെ പിടിച്ച് കൈകുമ്പിളിൽ ആക്കാമെന്ന് വിചാരിക്കുന്നവർ വിദ്യാധരനെയും മുല്ലാക്കയെയും ശ്രദ്ധിക്കണം .  ആധുനികത്തിന്റെ മറവിൽ നിന്ന് എന്തോ ചിലതൊക്കെ എഴുതി വിട്ട് ഡോ. ശശിധരനെപ്പോലുള്ളവരുടെ സഹോയത്തോടെ ഈ കൃമി കീടങ്ങൾ ' തന്നത്താൻ നിജ ചിന്തയിൽ ബലികഴിച്ച് ' നമ്മളുടെ പൂർവ്വികർ പടുത്തുയർത്ത ഒരു കാവ്യ സംസ്കാരത്തെയാണ് തട്ടി കൊണ്ടുപോകാൻ ശ്രമിക്കുന്നത് .  ആ സാഹിത്യ സംസ്കാരത്തിൽ നിന്ന് രൂപം കൊണ്ട ഒരു വ്യക്തിയായിട്ടാണ് ഡോ. ശശിധരന്റെ ഭാഷയിൽ നിന്നും സാഹിത്യത്തെ കുറിച്ചുള്ള അറിവിൽ നിന്നും ഞാൻ മനസിലാകുന്നത് .  പക്ഷെ അദ്ധത്തിന്റെ പ്രവർത്തനം നേരെമറിച്ചും . ഹരിഹരൻ , ശശി, മീൻകറി, ദുഷ്യന്തൻ തുടങ്ങിയ തറ കവിത എഴുത്തുകാരെ സഹായിക്കുന്നത് ഇവിടെ മറ്റൊരു വായനക്കാരൻ  പറഞ്ഞതുപോലെ വെറും താരം താണ പരിപാടി .  വിദ്യാധരനും മുല്ലാക്കയുമൊക്കെ വായനക്കാരെ ചിന്തിപ്പിക്കുന്നു എന്നുള്ളത് നിഷേധിക്കാനാവാത്ത സത്യമാണ് . അവർ അവരുടെ കർമ്മം തുടരുമെന്ന് ഈ വായനക്കാരൻ ആശിക്കുന്നു .  സുധീർ പണിക്കവീട്ടിൽ എന്ന് പറയുന്ന ഒരു നല്ല എഴുത്തുകാരന്റെമേലും ഡോക്റ്റർ ശശി തന്റെ വിദ്വേഷം തൊടുത്തുവിടുന്നതിൽ ഒട്ടും കരുതൽ കാണിച്ചില്ലെന്നുള്ളതും വളരെ അപലപനീയം

ആകെ കുളമായി . മുടിയില്ലാത്തവളുടെ തലയിൽ കാച്ചെണ്ണയുടെ മണം? എന്തൊരു വിരോധാഭാസം?  അനുവാദമില്ലാതെ തൊട്ടാൽ കൊല്ലുന്നവളുടെ മുന്നിലാണ് ഇന്ന് പഴയ കാമം വിളമ്പുന്നത്.  പശ്ചാത്തലം കാലാനുശ്രുതമാക്കുക.