വാഷിംഗ്ടൺ ഡി.സി.: ഡൊണാൾഡ് ട്രംപ് ഭരണകൂടത്തിലെ തൻ്റെ പദവി ഒഴിഞ്ഞതിന് ദിവസങ്ങൾ മാത്രം പിന്നിടുമ്പോൾ, പ്രസിഡന്റ് ട്രംപിന്റെ പുതിയ നിയമമായ "വൺ ബിഗ് ബ്യൂട്ടിഫുൾ ബിൽ ആക്ടിനെതിരെ" ടെസ്ല, സ്പേസ്എക്സ് സി.ഇ.ഒ. ഇലോൺ മസ്ക് രംഗത്ത്. ഈ നിയമത്തെ "അപമാനം" എന്ന് വിശേഷിപ്പിച്ച മസ്ക്, ഇതിനെ പിന്തുണച്ച നിയമനിർമ്മാതാക്കളെയും രൂക്ഷമായി വിമർശിച്ചു.

തൻ്റെ എക്സ് (X) പ്ലാറ്റ്‌ഫോമിലൂടെയാണ് മസ്ക് കടുത്ത പ്രതികരണം നടത്തിയത്. ഇലക്ട്രിക് വാഹനങ്ങളുടെ നികുതി ഇളവുകൾ റദ്ദാക്കിയത്, സർക്കാർ പദവി നീട്ടാൻ അനുവദിക്കാത്തത്, സ്റ്റാർലിങ്ക് സംവിധാനം ഫെഡറൽ ഏവിയേഷൻ അഡ്മിനിസ്ട്രേഷൻ (FAA) ഉപയോഗിക്കാത്തത്, ഒരു സഖ്യകക്ഷിയുടെ നാസ നോമിനേഷൻ ട്രംപ് പിൻവലിച്ചത് എന്നിവയുൾപ്പെടെയുള്ള നാല് പ്രധാന കാരണങ്ങളാണ് മസ്കിന്റെ ഈ വിമർശനത്തിന് പിന്നിലെന്ന് അദ്ദേഹവുമായി അടുത്ത വൃത്തങ്ങൾ അറിയിച്ചു. മസ്കിന്റെ നിലപാട് തനിക്ക് നേരത്തെ അറിയാമായിരുന്നെന്നും തൻ്റെ അഭിപ്രായത്തിൽ മാറ്റമൊന്നുമില്ലെന്നും വൈറ്റ് ഹൗസ് പ്രസ് സെക്രട്ടറി കരോലിൻ ലീവിറ്റ് പ്രതികരിക്കുകയുണ്ടായി .

English summary:

Elon Musk Slams Trump's New Bill; Criticizes Sharply on X.