അഞ്ചു ഭർത്താക്കന്മാരെ അഡ്ജസ്റ്റ് ചെയ്യേണ്ട ഭാരമാണല്ലോ നമ്മുടെ പാഞ്ചാലിക്കുട്ടിക്ക് വന്നു ഭവിച്ചത് ? അതുകൊണ്ടു തന്നെ പരസ്പ്പരം കൂട്ടി മുട്ടാതിരിക്കാൻ ഒരടയാള സംവിധാനം അവർ ഏർപ്പെടുത്തി. അകത്തുള്ള ആളുടെ ചെരുപ്പ് പുറത്തു വയ്ക്കുക. ചെരുപ്പ് കണ്ടാൽ അകത്ത് ആളുണ്ട് എന്ന് മനസ്സിലാക്കിക്കൊള്ളണം. ഇപ്രകാരം മനസമാധാനത്തോടെ നമ്മുടെ യുധിഷ്ഠിരൻ പള്ളികൊള്ളുന്ന നേരത്ത് അടയാള പാദുകം ഒരു പട്ടി കടിച്ചെടുത്തു കൊണ്ട് പോയി. അകത്തു വേക്കൻസി ഉണ്ടെന്നറിഞ്ഞ് വാതിൽ തുറന്നെത്തിയ മറ്റൊരു പാണ്ഡവൻ വല്യേട്ടനുമായി കൂട്ടി മുട്ടുകയും സംഗതി നാണക്കേടാവുകയും ചെയ്തു. പൊതുവേ ശാന്ത ശീലനാണെങ്കിലും ഈ തെണ്ടിത്തരം കാണിച്ച പട്ടിയോട് ക്ഷമിക്കാൻ അദ്ദേഹത്തിന് സാധിച്ചില്ല. “ എന്റെ മൈഥുനം പരസ്യമാക്കിയതിനാൽ നിന്റെ മൈഥുനവും പരസ്യമായിപ്പോകട്ടെ" എന്നദ്ദേഹം ശ്വാനനെ ശപിച്ചു. പാവം ശ്വാനൻ ! പരിപാടി കഴിഞ്ഞ് രക്ഷപെടാം എന്ന് കരുതുമ്പോളേക്കും അയാൾ ഹുക്കായി പെട്ട് പോവുകയാണ്. നാടും നാട്ടുകാരും അറിഞ്ഞ് നാണം കെട്ട് അയാൾ യുധിഷ്ഠിര ശാപം അനുഭവിച്ചു കൊണ്ടേയിരിക്കുന്നു ഡേറ്റിങ്ങിന് ഇറങ്ങും മുൻപ് ഈ പട്ടിയുടെ അവസ്ഥ ഒന്നാലോചിക്കുന്നതു നന്നായിരിക്കും. ! Jayan Varghese