അത്രമേൽ കരുതുന്നൊരാദി ചിന്ത എന്റെ  

ചിത്തത്തിലുണരുന്ന ജീവ സത്ത. 

മുത്തായി മാറ്റുന്ന ചിപ്പിയായ് ഭൂമിയാം 

സത്യ പ്രപഞ്ച മഹാ സാഗരം. ! 
 

ഒറ്റയ്ക്ക് നിന്ന കണികാ ദ്വയങ്ങളിൽ- 

അദ്വൈത സത്തയാ മേക . ചിന്ത

വർത്തമാനത്തെ ചലിപ്പിച്ച  യത്ഭുത 

സത്യ സമർപ്പണം ജീവ  ലോകം ! 

പൊട്ടിത്തെറിച്ചുരുവായിയെങ്കിൽ അതിൽ 

കൃത്യമായുൾച്ചേർന്ന  പൂർവാശ്രമം 

എത്രയോ കോടി കഷണങ്ങളിൽ ജീവ 

ത്വത്തായി വാഴും ചൈതന്യ ധാര ! 

പൊട്ടിവിരിഞ്ഞ പ്രകാശം തമസിന്റെ 

ഭിത്തിയിൽ ചിത്രങ്ങൾ കോറിടുമ്പോൾ 

എത്ര നിസാര കണികയിലും ഒരു 

പുത്തൻ പ്രസാദ വിലോല ഭാവം ! 

സപ്രേമം വാരിപ്പുണർന്നു നിഗൂഢമാം 

മുത്തും പവിഴവും വാരി വാരി 

അക്കരെയേതോയുഗത്തിന്റെ ചില്ലയിൽ 

മറ്റൊരു പൂവായ് വിരിഞ്ഞുവെങ്കിൽ ! -