കൊച്ചി വിമാനത്താവളത്തില്‍ വച്ച് അപ്രതീക്ഷിതമായി ഉര്‍വശിയെ കണ്ടുമുട്ടിയ ചിത്രം പങ്കുവച്ച് ശോഭന. ഉര്‍വശി തനിക്ക് ഇപ്പോഴും തമാശക്കാരിയായ 'പൊടി' തന്നെയാണെന്ന് എന്ന കുറിപ്പോടെയാണ് ഉര്‍വശിയുടെ കവിളില്‍ ചുംബിക്കുന്ന ചിത്രം ശോഭന ഇന്‍സ്റ്റഗ്രാമില്‍ പങ്കുവച്ചിരിക്കുന്നത്.

''കൊച്ചിയിലേക്ക് ഇത്രയധികം വിമാനയാത്രകള്‍ നടത്തിയിട്ടുള്ളതെങ്കിലും ഇതുവരെ ഉര്‍വശി ജിയെ കാണാത്തത് എന്തുകൊണ്ടാണെന്ന് ഞാന്‍ പലപ്പോഴും ചിന്തിച്ചിട്ടുണ്ട്. അവള്‍ ഇപ്പോഴും എനിക്ക് അറിയാവുന്ന അതേ തമാശക്കാരിയായ 'പൊടി' തന്നെയാണ്. ഫോണ്‍ നമ്പര്‍ സേവ് ചെയ്യാന്‍ ഞങ്ങള്‍ പരസ്പരം മൊബൈലുകള്‍ തിരയുകയായിരുന്നു.' ശോഭന കുറിച്ചു.

അതേസമയം 'ഇതൊരു വൈകാരിക നിമിഷമായിരുന്നു. അവള്‍ ആരെയും അതിശയിപ്പിക്കുന്ന നടിയാണ്'' എന്ന് ഉര്‍വശിും ഇന്‍സ്റ്റഗ്രാമില്‍ കുറിച്ചു.