പഹൽഗാമിൽ നടന്ന ഭീകരാക്രമണത്തിന് ശേഷം കൂടുതൽ ഭീകരാക്രമണങ്ങൾക്ക് സാധ്യതയുണ്ടെന്ന് രഹസ്യാന്വേഷണ ഏജൻസികൾ മുന്നറിയിപ്പ് നൽകിയതിനെത്തുടർന്ന് ജമ്മു കശ്മീർ സർക്കാർ കശ്മീരിലെ 87 വിനോദസഞ്ചാര കേന്ദ്രങ്ങളിൽ 48 എണ്ണം അടച്ചു.

 ഭീകരാക്രമണത്തിന് പിന്നാലെ കശ്മീരില്‍  ഭീകരരുടെ സ്ലീപ്പര്‍ സെല്ലുകള്‍ കൂടുതല്‍ സജീവമായിട്ടുണ്ട്. ഇവര്‍ക്ക് കൂടുതല്‍ ഓപ്പറേഷനുകള്‍ നടത്താന്‍ നിര്‍ദേശം നല്‍കിക്കൊണ്ടുള്ള ഭീകരസംഘടനകളുടെ സന്ദേശങ്ങള്‍ പിടിച്ചെടുത്തതായി രഹസ്യാന്വേഷണ ഏജന്‍സികള്‍ സൂചിപ്പിക്കുന്നു

പഹൽഗാം ആക്രമണത്തെത്തുടർന്ന് താഴ്‌വരയിലെ സജീവ തീവ്രവാദികളുടെ വീടുകൾ നശിപ്പിച്ചതിന് പ്രതികാരമായി, ലക്ഷ്യമിട്ടുള്ള കൊലപാതകങ്ങൾക്കൊപ്പം, കൂടുതൽ ശക്തമായ ഒരു ആക്രമണവും തീവ്രവാദികൾ ആസൂത്രണം ചെയ്യുന്നുണ്ടെന്ന് തുടർച്ചയായ ഇന്റലിജൻസ് റിപ്പോർട്ടുകൾ സൂചിപ്പിക്കുന്നതായി വൃത്തങ്ങൾ പറഞ്ഞു.