വഴുതക്കാട് കേരള കഫേ ഉടമ ജസ്റ്റിൻ രാജിനെ മരിച്ച നിലയിൽ കണ്ടെത്തിയ സംഭവത്തിൽ ഒളിവിൽപ്പോയ രണ്ട് പ്രതികളെ പോലീസ് പിടികൂടി. അടിമലത്തുറയിൽ വെച്ച് നടത്തിയ ഓപ്പറേഷനിലാണ് വിഴിഞ്ഞം സ്വദേശിയും ഒരു നേപ്പാൾ സ്വദേശിയുമായ ഹോട്ടൽ ജീവനക്കാർ പിടിയിലായത്. ഇവരെ പിടികൂടാൻ ശ്രമിക്കുന്നതിനിടെ പോലീസിനെ ആക്രമിക്കുകയും, ആക്രമണത്തിൽ നാല് പോലീസുകാർക്ക് പരിക്കേൽക്കുകയും ചെയ്തു.

ഇടപ്പഴഞ്ഞിയിലെ ജസ്റ്റിൻ രാജിന്റെ വീട്ടിലാണ് ഇദ്ദേഹത്തെ മരിച്ച നിലയിൽ കണ്ടെത്തിയത്. മൃതദേഹം തുണികൊണ്ട് മൂടിയ നിലയിലായിരുന്നു. സംഭവത്തിന് പിന്നാലെ, ജസ്റ്റിൻ രാജിന്റെ വീട്ടിൽ താമസിച്ചിരുന്ന കടയിലെ ജീവനക്കാരായ ഈ രണ്ടുപേരെയും കാണാതായിരുന്നു. ഇത് കൊലപാതകമാണെന്ന സംശയത്തിലേക്ക് പോലീസിനെ എത്തിച്ചു. പ്രതികളെ വിശദമായി ചോദ്യം ചെയ്യുന്നതിലൂടെ കൊലപാതകത്തിന്റെ കൂടുതൽ വിവരങ്ങൾ ലഭ്യമാകുമെന്നാണ് പോലീസ് കരുതുന്നത്.

English summary:

Hotel owner's murder in Thiruvananthapuram; absconding accused arrested; four police officers injured.