കൊല്ലം പ്രവാസി അസോസിയേഷന്‍ റിഫാ ഏരിയ കമ്മിറ്റിയുടെ ആഭിമുഖ്യത്തില്‍  കിങ് ഹമദ് യൂണിവേഴ്‌സിറ്റി ഹോസ്പിറ്റലില്‍ വെച്ച് സംഘടിപ്പിച്ച കെ. പി. എ  സ്‌നേഹസ്പര്‍ശം 18 -മതു രക്തദാന ക്യാമ്പ് ശ്രദ്ധേയമായി. 50-തില്‍ പരം പ്രവാസികള്‍ രക്തദാനം നടത്തിയ ക്യാമ്പ്  ശ്രീനാരായണ കള്‍ച്ചറല്‍ സൊസൈറ്റി ചെയര്‍മാന്‍ കൃഷ്ണകുമാര്‍  ഉദ്ഘാടനം നിര്‍വഹിച്ചു. റിഫാ ഏരിയ പ്രസിഡന്റ് സുരേഷ് ഉണ്ണിത്താന്‍ അധ്യക്ഷത വഹിച്ച ചടങ്ങില്‍ കെ. പി. എ. പ്രസിഡന്റ് അനോജ് മാസ്റ്റര്‍ മുഖ്യ പ്രഭാഷണം നടത്തി ഏരിയ ജോയിന്റ്  സെക്രട്ടറി സുബിന്‍ സുനില്‍ കുമാര്‍ സ്വാഗതവും ഏരിയ ട്രഷറര്‍ അനന്തു ശങ്കര്‍ നന്ദിയും പറഞ്ഞു.   

കെ. പി. എ. ജനറല്‍ സെക്രട്ടറി പ്രശാന്ത് പ്രബുദ്ധന്‍, സെക്രട്ടറി രജീഷ് പട്ടാഴി, കെ പി എ സ്ഥാപക പ്രസിഡന്റ്  നിസാര്‍ കൊല്ലം ബ്ലഡ് ഡോനെഷന്‍ കണ്‍വീനര്‍മാരായ വി. എം. പ്രമോദ്, നവാസ് ജലാലുദ്ദീന്‍, ഏരിയ കോര്‍ഡിനേറ്റര്‍ മജു വര്‍ഗീസ് ഏരിയ സെക്രട്ടറി സാജന്‍ നായര്‍ എന്നിവര്‍ ആശംസകള്‍ അറിയിച്ചു.

കെ. പി. എ സെന്‍ട്രല്‍, ഡിസ്ട്രിക് കമ്മിറ്റി, പ്രവാസിശ്രീ അംഗങ്ങള്‍ ക്യാമ്പില്‍ പങ്കെടുത്തു. റിഫാ ഏരിയ വൈസ് പ്രസിഡന്റ്  ജമാല്‍ കോയിവിള, പ്രവാസി ശ്രീ യൂണിറ്റ് ഹെഡ് ശാമില ഇസ്മായില്‍ എന്നിവര്‍  ക്യാമ്പിന് നേതൃത്വം നല്‍കി.