യുഎസ് വിസ അപേക്ഷകർക്ക് പുതിയ ഫീസ് ഏർപ്പെടുത്തി അമേരിക്കൻ സർക്കാർ. വിനോദസഞ്ചാരികൾ, വിദ്യാർത്ഥികൾ, ബിസിനസ് യാത്രക്കാർ എന്നിവരുൾപ്പെടെയുള്ള മിക്ക നോൺ-ഇമ്മിഗ്രന്റ് വിസ അപേക്ഷകരിൽ നിന്നും 250 ഡോളർ (ഏകദേശം 20,800 രൂപ) 'വിസ ഇന്റഗ്രിറ്റി ഫീസ്' ഈടാക്കാൻ തുടങ്ങും. അതിർത്തി സുരക്ഷ വർദ്ധിപ്പിക്കുന്നതിനും വിസ കാലാവധി കഴിഞ്ഞിട്ടും രാജ്യത്ത് തങ്ങുന്നത് തടയുന്നതിനും ലക്ഷ്യമിട്ടാണ് സാധാരണ വിസ ചെലവിനൊപ്പം ഈ ഫീസ് കൂടി ചേർക്കുന്നത്.

വിസ നിയമങ്ങൾ പാലിക്കുകയാണെങ്കിൽ ഈ തുക തിരികെ ലഭിക്കാൻ സാധ്യതയുണ്ടെങ്കിലും, റീഫണ്ട് നടപടിക്രമങ്ങളെക്കുറിച്ചുള്ള വിശദാംശങ്ങൾ ഇനിയും വ്യക്തമല്ല. വിസ ഒഴിവാക്കൽ പരിപാടിയിൽ (Visa Waiver Program) ഉൾപ്പെടുന്ന രാജ്യങ്ങളെ ഈ ഫീസിൽ നിന്ന് ഒഴിവാക്കിയിട്ടുണ്ട്. പുതിയ ഫീസ് വിനോദസഞ്ചാരത്തെ നിരുത്സാഹപ്പെടുത്താൻ സാധ്യതയുണ്ടെന്ന് വിമർശകർ വാദിക്കുന്നു.

English summary:

New 'Integrity Fee' for U.S. Visa; Additional $250 to Be Charged