ദമ്മാം: സൗദി അറേബ്യയുടെ കിഴക്കന്‍ പ്രവിശ്യയിലെ പ്രവാസികള്‍ക്ക് ആഘോഷരാവായി, നവയുഗം സാംസ്‌ക്കാരികവേദി കേന്ദ്രകമ്മിറ്റി അവതരിപ്പിച്ച ഓണാഘോഷ പരിപാടിയായ 'പൂവിളി-2025', ദമ്മാമില്‍  അരങ്ങേറി.

ദമ്മാം സിഹാത്ത് അല്‍ ഹുറൈദ ഫാമില്‍ നടന്ന പൂവിളി-2025, പ്രവാസി കുടുംബങ്ങളുടെ പങ്കാളിത്തം കൊണ്ടും, വൈവിധ്യപൂര്‍ണ്ണമാര്‍ന്ന കലാപരിപാടികളാലും, മികച്ച സംഘാടക മികവ് കൊണ്ടും ശ്രദ്ധേയമായി.
കേരളത്തനിമ നിറഞ്ഞ ഓണസദ്യയോടെയാണ് ഓണാഘോഷപരിപാടികള്‍ ആരംഭിച്ചത്. നൂറുകണക്കിന് പ്രവാസികളും കുടുംബങ്ങളും വിഭവസമൃദ്ധമായ ഓണസദ്യ കഴിച്ചു. തുടര്‍ന്ന് വിവിധ വിനോദ  കായികമത്സരങ്ങള്‍ അരങ്ങേറി.

കേരളത്തില്‍ നിന്നും സൗദി കാണാനെത്തിയ മാവേലിയുടെ വരവോടെയാണ് കലാസന്ധ്യ ആരംഭിച്ചത്. പുലികളിയും, നൃത്തവുമായി ആര്‍പ്പു വിളികളോടെ മാവേലിയെ എതിരേറ്റ നിറഞ്ഞ സദസ്സിന് മുന്‍പില്‍, തുടര്‍ന്ന് നിരവധി പ്രവാസി കലാകാരന്മാര്‍ മനോഹരമായ സംഗീത, നൃത്ത, വാദ്യപ്രകടന, അഭിനയ, ഹാസ്യ കലാപരിപാടികള്‍ അവതരിപ്പിച്ചു. കലാസന്ധ്യയില്‍ മീനു അരുണ്‍ അവതാരകയായി.

മത്സരങ്ങളിലെ വിജയികള്‍ക്കും, പരിപാടികള്‍ അവതരിപ്പിച്ച കലാകാരന്മാര്‍ക്കും പരിപാടിയുടെ അവസാനം നവയുഗം നേതാക്കള്‍ ഉപഹാരങ്ങള്‍ സമ്മാനിച്ചു.

പൂവിളി-2025 പരിപാടിയ്ക്ക് നവയുഗം നേതാക്കളായ ശ്രീകുമാര്‍ വെള്ളല്ലൂര്‍, രഞ്ജിത പ്രവീണ്‍, സാജന്‍ കണിയാപുരം, ബിജു വര്‍ക്കി,  അരുണ്‍ ചാത്തന്നൂര്‍, നിസ്സാം കൊല്ലം, ശരണ്യ ഷിബു, തമ്പാന്‍ നടരാജന്‍, സഹീര്‍ഷ, സംഗീത ടീച്ചര്‍, ഷാജി മതിലകം, റിയാസ്, വിനീഷ് അമ്പലപുഴ, മണിക്കുട്ടന്‍, ഷിബുകുമാര്‍, ജാബിര്‍, മഞ്ജു അശോക്, വിനോദ് കുഞ്ഞ്, സിയാദ് കൊല്ലം, കെ.കെ രാജന്‍, നന്ദകുമാര്‍, ഷീബ സാജന്‍, മുഹമ്മദ് ഷിബു, റഷീദ്, ജോസ് കടമ്പനാട്, സാബു വര്‍ക്കല, സുനില്‍, സുധീഷ്, വര്‍ഗീസ്, വിനീഷ് നടകുമാര്‍, അമീന റിയാസ്, ദീപ സുധീഷ്, സന്തോഷ് എന്നിവര്‍ നേതൃത്വം നല്‍കി.