കൊല്ലം പ്രവാസി അസോസിയേഷന്‍ - ബഹ്റൈന്‍ 10 ഏരിയകളിലായി നടത്തി വരുന്ന  പൊന്നോണം 2025 ന്റെ ഭാഗമായി  റിഫാ ഏരിയ കമ്മിറ്റിയുടെ നേതൃത്വത്തില്‍ സെഗായ കെ സി എ ഹാളില്‍ വെച്ച്  റിഫാ ഏരിയയുടെ ഓണാഘോഷം സംഘടിപ്പിച്ചു.

കെ.പി.എ പ്രസിഡന്റ് അനോജ്  മാസ്റ്റര്‍ ഉദ്ഘാടനം ചെയ്ത കെ പി എ  പൊന്നോണം  2025  ചടങ്ങില്‍ ബഹറിനിലെ പ്രമുഖ  മാധ്യമപ്രവര്‍ത്തകനും  ഫോര്‍ പി എം ന്യൂസ്  എക്‌സിക്യൂട്ടീവ് എഡിറ്റര്‍ കൂടിയായ പ്രദീപ് പുറവങ്കര  മുഖ്യഅതിഥിയായും  കെ. സി. എ  ജനറല്‍ സെക്രട്ടറി വിനു ക്രിസ്ടി,, ബഹ്റൈന്‍ മീഡിയ സിറ്റി ചെയര്‍മാനും സാമൂഹിക പ്രവര്‍ത്തകനുമായ ഫ്രാന്‍സിസ് കൈതാരത്ത്  എന്നിവര്‍  വിശിഷ്ട അതിഥിയായി  പങ്കെടുത്തു. കേരളീയ പാരമ്പര്യവും സംസ്‌കാരവും വിദേശമണ്ണില്‍ നിലനിര്‍ത്താന്‍ ഇത്തരം പരിപാടികള്‍ വലിയ  പങ്കുവഹിക്കുന്നുണ്ടെന്നും അതുപോലെ തന്നെ  ഏരിയ അംഗങ്ങള്‍ തമ്മില്‍ പരിചയപ്പെടുവാനും, ബന്ധങ്ങള്‍ കൂടുതല്‍  ദൃഢമാക്കുവാനും ഉള്ള അവസരം ഇങ്ങനെയുള്ള ആഘോഷ പരിപാടികള്‍  സഹായിക്കുമെന്നും കെ പി എ പ്രസിഡന്റ് പറഞ്ഞു.

കെ പി എ  റിഫാ ഏരിയ പ്രസിഡന്റ്  സുരേഷ് കുമാര്‍  അധ്യക്ഷത വഹിച്ച ചടങ്ങിന്  ഏരിയ സെക്രട്ടറി സാജന്‍ നായര്‍ സ്വാഗതം പറഞ്ഞു. കെ.പി.എ ജനറല്‍ സെക്രട്ടറി പ്രശാന്ത് പ്രബുദ്ധന്‍, ട്രഷറര്‍ മനോജ് ജമാല്‍, കെ പി എ  സ്ഥാപക പ്രസിഡന്റ്  നിസാര്‍ കൊല്ലം, വൈസ് പ്രസിഡന്റ് കോയി വിള മുഹമ്മദ് കുഞ്ഞ്, സെക്രട്ടറിമാരായ അനില്‍കുമാര്‍, രജീഷ്  പട്ടാഴി,  അസിസ്റ്റന്റ് ട്രഷറര്‍ കൃഷ്ണകുമാര്‍, കെ. പി. എ  മെമ്പര്‍ഷിപ്പ് സെക്രട്ടറിയും ഏരിയ കോഡിനേറ്ററുമായ മജു ആര്‍  വര്‍ഗീസ്, ഏരിയ കോഡിനേറ്റര്‍ ഷിബു  സുരേന്ദ്രന്‍ ,  ഏരിയ ജോയിന്റ് സെക്രട്ടറി സുബിന്‍ സുനില്‍കുമാര്‍ , ഏരിയ വൈസ് പ്രസിഡന്റ് ജമാല്‍ കോയിവിള  എന്നിവര്‍ ആശംസകള്‍ അറിയിച്ചു.  റിഫാ ഏരിയ ട്രെഷറര്‍ അനന്തു ശങ്കര്‍   ചടങ്ങിന് നന്ദി രേഖപ്പെടുത്തി. കെ.പി.എ സെന്‍ട്രല്‍  കമ്മിറ്റി അംഗങ്ങളായ ജഗത് കൃഷ്ണകുമാര്‍, രാജ് ഉണ്ണികൃഷ്ണന്‍ , ലിനീഷ് പി ആചാരി, ജോസ് മങ്ങാട്  എന്നിവര്‍ ചടങ്ങില്‍ സന്നിതരായിരുന്നു. സെന്‍ട്രല്‍, ഡിസ്ട്രിക്ട് കമ്മിറ്റി അംഗങ്ങളും, പ്രവാസശ്രീ അംഗങ്ങളും  ഓണാഘോഷ പരിപാടികളില്‍ സജീവമായി പങ്കെടുത്തു.

വിഭവസമൃദ്ധമായ ഓണസദ്യയോടൊപ്പം, അംഗങ്ങള്‍ അവതരിപ്പിച്ച കലാ പരിപാടികളും, കുട്ടികളും, കെപിഎ കുടുംബാംഗങ്ങളും  പങ്കെടുത്ത വിവിധ ഓണക്കളികളും, വടം വലിയും ആഘോഷങ്ങള്‍ക്ക് മാറ്റുകൂട്ടി.