ജയ്പൂര്‍; പാകിസ്താനുമായി അതിര്‍ത്തി പങ്കിടുന്ന രാജസ്ഥാനിലെ ജയ്സാല്‍മറില്‍ വൈകിട്ട്  ആറ് മണി മുതല്‍ രാവിലെ ആറ് വരെ 12 മണിക്കൂര്‍ ബ്ലാക്ക് ഔട്ടായിരിക്കും. ഈ സമയങ്ങളില്‍ വാഹനങ്ങള്‍ ഓടിക്കരുതെന്നും രാത്രികാലങ്ങളില്‍ വിവാഹചടങ്ങുകള്‍ നടത്തരുതെന്നും നിര്‍ദേശമുണ്ട്. 

കഴിഞ്ഞ ദിവസം രാത്രി പാകിസ്താന്റെ ഡ്രോണുകള്‍ അതിര്‍ത്തി കടന്ന് ഈ പ്രദേശത്ത് എത്തിയെന്നും അതിനാലാണ് നടപടിയെന്നും കലക്ടര്‍ പ്രതാപ് സിങ് വിശദീകരിച്ചു. ഡ്രോണുകള്‍ പറത്തുന്നതും പടക്കം പൊട്ടിക്കുന്നതും നിരോധിച്ചിട്ടുണ്ട്. ഡ്രോണുകള്‍ സ്വന്തമായുള്ളവര്‍ അവ പോലീസ് സ്റ്റേഷനില്‍ നല്‍കണം. സൈനിക കേന്ദ്രങ്ങളുടെ അഞ്ച് കിലോമീറ്റര്‍ പരിധിയില്‍ സഞ്ചരിക്കുന്നവര്‍ക്കെതിരെ നടപടി സ്വീകരിക്കും.