ഡൽഹി കലാപവുമായി ബന്ധപ്പെട്ട ഗൂഢാലോചനാ കേസിൽ മുൻ ജെ.എൻ.യു. വിദ്യാർത്ഥി ഉമർ ഖാലിദ്, തസ്ലീം അഹമ്മദ്, ഷർജീൽ ഇമാം എന്നിവർ ഉൾപ്പെടെ പത്ത് പ്രതികളുടെ ജാമ്യഹർജി ഡൽഹി ഹൈക്കോടതി തള്ളി. വിചാരണ പൂർത്തിയാകുന്നതുവരെ പ്രതികൾക്ക് ജാമ്യം അനുവദിക്കരുതെന്ന പോലീസിന്റെ ആവശ്യം പരിഗണിച്ചാണ് കോടതിയുടെ ഈ നടപടി.

രാജ്യത്തിനെതിരായ പോരാട്ടമാണ് പ്രതികൾ നടത്തിയതെന്നും, അതിനാൽ വിചാരണ പൂർത്തിയാകുന്നതുവരെ ഇവർക്ക് ജാമ്യം നൽകരുതെന്നും ഡൽഹി പോലീസിനുവേണ്ടി ഹാജരായ സോളിസിറ്റർ ജനറൽ കോടതിയിൽ വാദിച്ചു. 2020 മുതൽ ഈ കേസിൽ ഉമർ ഖാലിദ് ഉൾപ്പെടെയുള്ള പത്ത് പ്രതികളും ജയിലിലാണ്.

English summary:

Delhi riots conspiracy case; bail denied to ten accused, including Umar Khalid.