അമ്മയ്‌ക്കൊരുമ്മ (ചാക്കോ ഇട്ടിച്ചെറിയ)

അമ്മതൻ സ്നേഹത്തെ ആർക്കുവർണ്ണിച്ചിടാം !?
ഇമ്മഹീതന്നിൽ നാം കാണ്മതുണ്ടേതുമേ
മർത്യരെന്നല്ലയീ ജന്തുവർഗ്ഗത്തിലും
ഉത്തുംഗസ്രേണിയിലമ്മതൻ സ്നേഹമേ!

തള്ളക്കുതൻകുഞ്ഞു പൊൻകുഞ്ഞു സർവദാ
പിള്ളക്കുതള്ളതാൻ കൺകണ്ട ദൈവവും
ഉള്ളിന്റെയുള്ളിലെ തങ്കത്തളികയിൽ
തള്ളയും,പിള്ളയും തങ്ങളിൽ തങ്ങളിൽ .

അമ്മക്ക് തുല്ല്യമായമ്മയല്ലാതില്ല
ഇമ്മഹീ തന്നിലുമീരേഴുലകിലും
ഭൂമിയിൽ സ്വർഗ്ഗം വിരിക്കുന്നൊരമ്മ പൊ-
ന്നമ്മേനമിക്കുന്നു നിൻപാദതാരുകൾ !

കുഞ്ഞൊന്നുഞെട്ടിക്കരഞ്ഞുവെന്നാലമ്മ
നെഞ്ഞൊന്നു പൊട്ടികുതറിക്കുതിച്ചിടും
ഈരേഴുസ്വർഗ്ഗവും അമ്മതൻ മാറിടം
ഇമ്മട്ടില്ലല്ലോ രമിക്കുന്നിരുവരും!

മുന്നൂറുമാറുമറുപതും രാത്രികൾ
എന്നെനീയൂട്ടിയുറക്കിയുറങ്ങാതെ !?
അമ്മതൻ സ്നേഹമതെത്രയോ ആശ്ച്ചര്യം !
ഒരുദിനംമാത്രമോർപ്പൂ ക്ഷമിക്കമ്മേ!

കാറ്റും,മഴയും,കെടുതികളൊക്കെയും
ഉറ്റോരുടയോർ കൊടും ക്രൂരതകളും
എല്ലാംസഹിച്ചു നീ ഞാനറിഞ്ഞില്ലവ
എല്ലാമറിയുന്നു ഞാനിന്നു ദൈവമേ !

അമ്മയ്ക്കൊരുമ്മ ഞാൻനൽകട്ടെയിദ്ദിനം !
അമ്മതൻ കൈകളിലെന്നേ സമർപ്പിതം
എന്നെഞാനാക്കി വളർത്തി,വലുതാക്കി
എന്നുള്ളിലമ്മയും,ദൈവവും,സ്നേഹവും !!!.

* എല്ലാ അമ്മമാര്‍ക്കും വളരെ സന്തോഷകരമായ ഒരു
അമ്മദിന ആശംസകള്‍! (HAPPY MOTHER'S DAY)

അമ്മേ നീ (തൊടുപുഴ കെ ശങ്കർ മുംബൈ)

അമ്മക്കോലങ്ങൾ (കവിത: മാതൃദിന രചന-അമ്പിളി കൃഷ്ണകുമാർ)

വായിച്ചു തീരാത്ത പുസ്തകം (മാതൃദിന രചന: ജയശ്രീ പള്ളിക്കൽ)

അമ്മച്ചൂട് (മാതൃദിനരചന-രാജൻ കിണറ്റിൻകര )

പുഷ്ക്കരമുല്ല (മാതൃദിന പതിപ്പിലേക്കുള്ള രചന: സിന്ധു ടിജി)

അമ്മ മനസ്സില്‍ താരാട്ട് (കവിത: മാര്‍ഗരറ്റ് ജോസഫ്)

ഒരു സ്ത്രീ അമ്മയാകുന്നത് (മിനി ബാബു)

അമ്മയോര്‍മ്മകള്‍ (രാജു മൈലപ്രാ)

മാതൃസ്മരണ: സ്നേഹസ്പർശം (രാജീവ് പഴുവിൽ)

കല്യാണ പിറ്റേന്ന് (മാതൃദിന രചന-റഹിമാബി മൊയ്തീൻ)

അമ്മയും കുഞ്ഞും - അടർത്താനാവാത്ത വൈകാരിക ബന്ധം (മാതൃദിന ചിന്തകൾ : ഡോ. മാത്യു ജോയിസ്, ലാസ്‌ വേഗാസ് )

അമ്മമാർ കാണപ്പെട്ട ദൈവങ്ങൾ (കവിത: എ.സി.ജോർജ്)